ಸುಮ್ಮನಿರಲಾರೆ ನಾನು ಗುರುವೇ - ರಚನೆ :ಶ್ರೀ. ಆನಂದ ರಾಮ್, ಶೃಂಗೇರಿ

ಸುಮ್ಮನಿರಲಾರೆ ನಾನು ಗುರುವೇ ನಿನ್ನನು ನೆನೆಯದಲೇ

ಮೌನ ತಾಳಲಾರೆ ಪ್ರಭುವೇ ನಿನ್ನ ನಾಮವನ ಭಜಿಸದೆಲೆ|

ನಿತ್ಯ ಗಳಿಸುವ ಕೂಳಿಗಾಗಿ ನಿತ್ಯ ಬದುಕಿನ ಅಸರೆಗಾಗಿ  ನಿನ್ನ ಕೂಗುವೆನು

ನಿತ್ಯ  ಬಾಳ ಪಗಡೆಯಾಟದಲಿ ನಿನ್ನ ಬೇಡುತ ನಡೆಯ ನಡೆಸುವೆನು  |

ನಿನ್ನ ನೆನಪು ನೀಡುವ ಆ ಸಂತಸದ ಕ್ಷಣವ ಎಂದೂ ಮರೆಯಲಾರೆನೋ

ನೀನಿಲ್ಲದ ಗಳಿಗೆಯ ಊಹಿಸಿ ಉಸಿರು ನಿಂತ ಭಾವಾದಲಿ ಬೆವೆತು ಹೋದೆನೋ| 

ನಿನ್ನ ಹಿತನುಡಿಯ ಅಲಿಸದಲೇ ಈ ಮನವು ಮರುಗಿ ಕೂಗಿದೆಯೋ

ನಿನ್ನ ಚಾರಣ ಸೇವೆಯ ಬಯಸಿ ಈ ಜೀವವು ಬಲು ಪರಿತಪಿಸಿದೆಯೋ|

ನಿನ್ನ ವೇದಸಾರ ತುಂಬಿದ ಮಾತು ಕೇಳುವ ಯೋಗವು ಎನಗೆ ಬರಲಿಲ್ಲವೋ

ನಿನ್ನ ಕಂಡು ಪಾದಪಿಡಿದು ನಿನ್ನೊಲುಮೆ ಪಡೆಯುವ ಭಾಗ್ಯ ಪಡೆಯಲಿಲ್ಲವೋ|

ಸಖರಾಯದೀಶನೆ ಕನಿಕರಿಸಿ ಈ ಪಾಮರನ ಹರಸೋ  ದೊರೆಯೇ

ನಿನ್ನ  ಒಲುಮೆಯ ನುಡಿ ಕೇಳುವ ಭಾಗ್ಯ ಕನಸಲಿ ಬಂದು ಪೂರೈಸೋ ದೊರೆಯೇ|