ಗುರುನಾಥ ಗಾನಾಮೃತ 

ದೇವದೇವನೇ ಭಕ್ತಪಾಲನೇ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ದೇವದೇವನೇ ಭಕ್ತಪಾಲನೇ

ನಿನಗೆ ಸಾಷ್ಟ್ರಾಂಗ ವಂದನೆ

ಗುರುವರೇಣ್ಯನೇ ದೇವದೂತನೇ 

ನಿನಗಿದೋ ಭಕ್ತಿಯ ವಂದನೆ ।। ಪ ।।

ಎಲ್ಲರಲ್ಲಿಹ ಸುಪ್ತಚೇತನನೇ

ಮೂಡಿಸಿ ಅದ್ವೈತದ ಚಿಂತನೆ

ನಾನು ನನ್ನದೆಂಬ ಕಲ್ಪನೆ

ತೊಡೆದುಹಾಕು ಈ ಭಾವನೆ ।। ೧ ।।

ಮನದಿ ನೆಲೆಸಿಹ ಗುರುದತ್ತನೇ

ಅಳಿಸು ನೀ ನಶ್ವರ ಕಾಮನೆ

ಕರುಣಿಸು ಅರಿವಿನ ಸೂಚನೆ

ಮಾಡಿಸು ನೀ ಆತ್ಮೋದ್ಧಾರದ ಸಾಧನೆ ।। ೨ ।।

ಗುರುನಾಥ ಗಾನಾಮೃತ 

ತೊಟ್ಟಿಲೊಳು ಮಲಗೀಸೀ

ರಚನೆ: ಅಂಬಾಸುತ 

ತೊಟ್ಟಿಲೊಳು ಮಲಗೀಸೀ

ತೂಗೂವ ಬನ್ನೀರೇ

ಗುರುನಾಥನಾ ನಮ್ಮ ಅವಧೂತನಾ ||ಪ||

ಜಗವಾ ಪಾಲಿಸುವವನಾ

ಜಗದೀಶ ರೂಪನಾ

ಗುರುನಾಥನಾ ನಮ್ಮ ಅವಧೂತನಾ ||ಅ ಪ||

ಶಾರದಾಂಬೆಯ ಕಂದನಾ

ಶ್ರೀನಿವಾಸನ ಸುತನಾ

ಸಖರಾಯಪುರದಾ ನಿವಾಸನಾ

ಸಂತತಾ ಸೋಜಿಗಾ

ತೋರುತಾ ಸಲಹುವಾ

ಗುರುನಾಥನಾ ನಮ್ಮ ಅವಧೂತನಾ ||೧||

ಮಾರ್ಗಶಿರ ಮಾಸದಾ

ಬಹುಳಾ ಆರನೆ ದಿನಾ

ಮಗುವಾಗೀ ಭುವಿಗೇ ಬಂದವನಾ

ಶ್ರೀ ವೇಂಕಟಾಚಲ ಎಂಬಾ

ನಾಮವ ಧರಿಸಿದಾ

ಗುರುನಾಥನಾ ನಮ್ಮ ಅವಧೂತನಾ ||೨||

ವೇದಶಾಸ್ತ್ರಗಳಲ್ಲಿ

ಪಂಡಿತ ತಾನಾಗೀ

ಗುರುಸೇವೆ ಹರಸೇವೇ ಎನ್ನುತಲೀ

ಗುರುತರ ಭಾಗ್ಯವಾ

ನೀಡುವಾ ಗುರುವಾದಾ

ಗುರುನಾಥನಾ ನಮ್ಮ ಅವಧೂತನಾ ||೩||

ಸಂಸಾರದೊಳಗಿದ್ದೂ

ಸುಖದುಖಃ ಮೀರಿರ್ದಾ

ಸಾಧಕನಾ ನಿಜ ಸಂತನಾ

ಭಾವೀಕ ಭಕುತರಿಗೇ

ಭಾಗ್ಯದ ನಿಧಿಯಾದಾ

ಗುರುನಾಥನಾ ನಮ್ಮ ಅವಧೂತನಾ ||೪||

ಬಹುಲೀಲೆಗಳ ತೋರೀ

ಬವಣೆಗಳ ಹರಿಸುತಲೀ

ನಿಜ ಭಕ್ತಗೆ ಭಗವಂತನಾದವನಾ

ಕಂಬನಿ ಒರೆಸುತಾ

ಕರುಣೆಯಾ ತೋರುವಾ

ಗುರುನಾಥನಾ ನಮ್ಮ ಅವಧೂತನಾ ||೫||

ಹಣ ತೃಣವೆನ್ನುತಲೀ

ಮನಸಿರಿ ಹಿರಿದೆನ್ನುತ್ತಲೀ

ಹೆತ್ತವರೇ ಹಿರಿದೈವ ಎನ್ನುತಲೀ

ತಮವಾ ಕಳೆದೂ

ಶಿಷ್ಯರ ಪಾಲಿಗೇ ಬೆಳಕಾದಾ

ಗುರುನಾಥನಾ ನಮ್ಮ ಅವಧೂತನಾ ||೬||

ಬೋದರೂಪನಾ

ನಿಜ ಆನಂದಧಾಮನಾ

ಚಂದ್ರಶೇಖರ ಚರಣಾರ್ಚಕನಾ

ಅಂಬಾಸುತನಾ

ಅಂತರಂಗದಾ ಗುರುವರನಾ

ಗುರುನಾಥನಾ ನಮ್ಮ ಅವಧೂತನಾ ||೭||

ಗುರುನಾಥ ಸ್ತೋತ್ರ  ಕುಸುಮಾಂಜಲಿ 

ಲಬ್ಧ್ವಾ  ಪಾರ್ಥೋ ದಿವ್ಯಂ ಚಕ್ಷುಂ 

ದದರ್ಶ ವಿಶ್ವರೂಪಂ ಚ |

ಪ್ರಯಚ್ಛ ಮೇ ಅಂತರ್ಚಕ್ಷುಂ 

ವೇದಿತುಂ ಗಹನಂ ತತ್ತ್ವಂ ||

ಪಾರ್ಥನು ಭಗವಂತನಾದ ಶ್ರೀಕೃಷ್ಣನ ವಿಶ್ವರೂಪವನ್ನು ಚರ್ಮದ ಕಣ್ಣಿನಿಂದ ನೋಡಲಸಾಧ್ಯವಾಗಿ ಕೃಷ್ಣನಿಂದ ದಿವ್ಯಚಕ್ಷುವನ್ನೇ ಪಡೆದ ಹಾಗೆ ಗುರುವೇ..ನಿನ್ನ ಗಹನವಾದ ತತ್ತ್ವವನ್ನು ಅರಿಯಲು ಉತ್ಕೃಷ್ಟವಾದ ಅಂತರಂಗದ ಚಕ್ಷುವನ್ನು ದಯಪಾಲಿಸು...

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು

ಗುರುನಾಥ ಗಾನಾಮೃತ 

ಎಡೆಬಿಡದೇ ಭಜಿಸೂ ಗುರುನಾಥನಾ

ರಚನೆ: ಅಂಬಾಸುತ 

ಎಡೆಬಿಡದೇ ಭಜಿಸೂ ಗುರುನಾಥನಾ

ಎಣೆಯಿಲ್ಲದ ಫಲವಾ ನೀಡುವ ಅವಧೂತನಾ ||ಪ||

ಹಾಸಿಗೆಯಿಂದೆದ್ದಾಗಾ ಗುರು ಎನ್ನೂ

ಸ್ನಾನವ ಮಾಡುವಾಗ ಸದ್ಗುರು ಎನ್ನೂ

ದೈವ ಮಂದಿರದೊಳೂ ಗುರುನಾಥನಾ ಕಾಣೂ 

ಉಪಹಾರ ಉಂಬುವಾಗ ಒಮ್ಮೆ ಗುರುನಾಥ ಎನ್ನೂ ||೧||

ವ್ಯವಹಾರ ವ್ಯಾಪಾರದೊಳು ಶ್ರೀಗುರು ಎನ್ನೂ

ಸಂಚಾರ ಕಾಲದೀ ಸಲಹೋ ಗುರು ಎನ್ನೂ

ಅನ್ನವಾ ತಿನ್ನುವಾಗಾ ಅರಿವಿನ ಗುರು ಕಾಯೋ ಎನ್ನೂ

ಸಾಯಂಕಾಲದಿ ಜ್ಯೋತಿರೂಪ ಗುರು ಸಲಹೆನ್ನೂ ||೨||

ನಿಂತಾಗಾ ಗುರು ಎನ್ನೂ ನಡೆದಾಗ ಗುರು ಎನ್ನೂ

ನುಡಿದಾಗಾ ಗುರು ಎನ್ನೂ ಕುಳಿತಾಗ ಗುರು ಎನ್ನೂ

ನಗುವಾಗ ಗುರು ಎನ್ನೂ ಅಳುವಾಗ ಗುರು ಎನ್ನೂ

ನನಗೇ ನೀನೇ ಗತಿ ಗುರು ಕಾಯೋ ಎನ್ನೂ ||೩||

ತಂದೆ ಸದ್ಗುರು ಎನ್ನೂ ತಾಯಿ ಸದ್ಗುರು ಎನ್ನೂ

ಮಡದೀ ಸದ್ಗುರು ಎನ್ನೂ ಬಂಧು ಬಳಗ ಗುರು ಎನ್ನೂ

ಮಲಗುವಾ ಕಾಲದೀ ಸಖರಾಯಧೀಶನೆನ್ನೂ

ಅಂಬಾಸುತನಾ ಆತ್ಮಬಂಧು ಕಾಯೋ ಎನ್ನೂ ||೪||

ಗುರುನಾಥ ಸ್ತೋತ್ರ  ಕುಸುಮಾಂಜಲಿ 

ಪ್ರಾಕ್ಪುಣ್ಯಕಾರಣಾತ್ ಲಬ್ಧಂ

ಸದ್ಗುರು ಪಾದಸೇವನಮ್ |

ತ್ವದನ್ಯಂ ನ ಹಿ ಜಾನಾಮಿ

ಭವೇ ದರ್ಶಯ ಮೇ ಮಾರ್ಗಮ್ ||

ಹಿಂದಿನ ಜನುಮದಿ ಮಾಡಿದ ಪುಣ್ಯದ ಫಲದಿಂದ ಸದ್ಗುರುವಿನ ಪಾದಸೇವೆಯ ಭಾಗ್ಯ ದೊರೆತಿದೆ.... ಹೇ ಗುರುವೇ... ನಿನ್ನ ಹೊರತಾಗಿ ಬೇರಾರೂ ನನಗೆ ತಿಳಿದಿಲ್ಲ... ಈ ಭವಸಾಗರದಲ್ಲಿ ಮಾರ್ಗಬಂಧುವಾಗಿ ಮಾರ್ಗವ ತೋರೋ .. ಸದ್ಗುರುವೇ..

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು

ಗುರುನಾಥ ಗಾನಾಮೃತ 

ಬಿಡೋ ಮೋಹವ 

ರಚನೆ: ಅಂಬಾಸುತ 

ಬಿಡೋ ಮೋಹವ 

ಹಿಡೀ ಸದ್ಗುರು ಪಾದವಾ

ಕಡಿ ನಿನ್ನತನವಾ

ನಡೆ ಗುರು ಮನೆಯೆಡೆಗೇ ||ಪ||

ಸರ್ವಸಮರ್ಥನೂ ಸದ್ಗುರುನಾಥನಾ

ಕೈಪಿಡಿದು ನೆಡೆಸುವಾ

ಕಂಗಳಲಿಟ್ಟುಕೊಂಡು ಕಾಯುವಾ ||೧||

ಮನ್ನಿಸುವನೂ ನೀ ಮಾಡಿದಾ ತಪ್ಪನೂ

ಮುದ್ದಿಸುವ ಕಂದಾ

ಬಾ ನಾ ತಂದೆ ಎನುತಾ ||೨||

ಬೇಧಾಭಾವವಾ ಎಣಿಸದ ಭಾವಾತೀತನೂ

ಭಾವುಕರಿಗೆ ಭಾಗ್ಯಾ

ಸದ್ಗುರುವಿನಾ ದರುಷನಾ ||೩||

ಅಂಬಾಸುತನಾ ಅಸ್ತಿತ್ವ ಇವನಿಂದಾ

ಸಖರಾಯಪುರವಾಸೀ

ಸದ್ಗುರುನಾಥನಿಂದಾ ||೪||

ಗುರುನಾಥ ಗಾನಾಮೃತ 

ಬಂದಾ ಬಂದಾ ಸದ್ಗುರುರಾಯಾ

ರಚನೆ: ಅಂಬಾಸುತ 

ಬಂದಾ ಬಂದಾ ಸದ್ಗುರುರಾಯಾ

ಸಖರಾಯಪುರದಿಂದಾ

ನಿಂದಾ ನಿಂದಾ ಎನ್ನ ಮನಮಂದಿರದೊಳೂ ||ಪ||

ದಟ್ಟಿಯೊಂದನು ಸುತ್ತಿಕೊಂಡೂ

ವಿಭೂತಿ ಪಟ್ಟೆಯಾ ಧರಿಸೀಕೊಂಡೂ

ಹೆಗಲಲ್ಲಿ ಯಜ್ಞೋಪವೀತಾ ಇರಿಸೀ

ಭಕುತಾ ಜನರಾ ಹರಸೀ ಹರಸೀ ||೧||

ನಸುನಗುತಾ ಒಮ್ಮೇ ಹುಸಿಕೋಪದೊಳು ಒಮ್ಮೇ

ಹಸಿದಾ ಹೊಟ್ಟೆಗೇ ಮೃಷ್ಟಾನ್ನವೀಯುತಾ

ಮಾತಿನಾ ಮಂಥನದೊಳೂ

ಪರಮಾರ್ಥ ಹೇಳುತಾ ಹೇಳುತಾ ||೨||

ಕೆದರಿದಾ ಕೂದಲೂ ಮಿಂಚಿನಾ ಕಣ್ಗಳೂ

ಸಿಂಹದಾ ತೆರನಾಗೀ ಸುರಮುನಿಯಂತೇ ವೇಂಕಟಾಚಲನೆಂಬೋ ನಾಮವ ಧರಿಸೀ

ಅಂಬಾಸುತನಾ ಅನವರತಾ ಪೋಷಿಸೇ ||೩||

ಗುರುನಾಥ ಗಾನಾಮೃತ 

ಶರಣು ಶರಣೆನುವೆ ಗುರುನಾಥಾ

ರಚನೆ: ಅಂಬಾಸುತ 

ಶರಣು ಶರಣೆನುವೆ ಗುರುನಾಥಾ

ಶ್ರೀವೇಂಕಟಾಚಲ ಅವಧೂತಾ ||ಪ||

ಘನ್ನ ಮಹಿಮನೂ ನೀ ಕೃಪಾ ಸಾಗರಾ

ಚತುರಾಶ್ರಮ ಮೀರಿದ ಮಹಿಮಾನ್ವಿತಾ ||೧||

ನಗುಮೊಗದೀ ನಿಂದಿಹಾ ನಾದವೇದ ಬ್ರಹ್ಮ ನೀ

ಸಾಕಾರರೂಪ ನೀ ಸ್ವಾತ್ಮಾರಾಮಾ ||೨||

ಅರ್ಚಿಸುವುದನರಿಯೇ ನಿನ್ನ ಪದವಾ

ಮನದೊಳು ಬಚ್ಚಿಟ್ಟುಕೊಂಡು ನಾ ಕುಳಿತಿರುವೇ ||೩||

ತತ್ವರೂಪ ನೀ ತಮ ನಾಶಕ ನೀ

ತೋರೋ ನಿನ್ನ ಪಾದ ಹೇ ವಿಧಾತಾ ||೪||

ಅಂಬಾಸುತನ ಅರಿವಿನಾ ದೊರೆಯೇ

ಆಶ್ರಯಿಸಿರುವೇ ಪಾಲಿಸೋ ಪ್ರಭುವೇ ||೫||

ಗುರುನಾಥ ಗಾನಾಮೃತ 

ಮೊರೆಯಾಲಿಸೈ ಗುರುನಾಥಾ

ರಚನೆ: ಅಂಬಾಸುತ 

ಮೊರೆಯಾಲಿಸೈ ಗುರುನಾಥಾ

ಮರೆಯದೆ ಎಮ್ಮ ಪಾಲಿಸೈ ಅವಧೂತಾ ||ಪ||

ಅರಿಯೆವಯ್ಯಾ ಅನ್ಯರನೂ

ಹೇ ಕೃಪಾಸಿಂಧೋ ನಿನ್ನಾ ಹೊರೆತೂ

ಓಡೋಡಿ ಬಾರಾಯ್ಯಾ ನಾ ಕಂದಾ ನೀ ತಂದೇ

ಬಿಗಿದಪ್ಪೀ ಮುದ್ದಾಡೋ ಕಾದಿಹೆ ನಾ ||೧||

ನಿನ್ನಿಂದಾ ಅನ್ನ ನೀರೂ ನಿನ್ನಿಂದಾ ನೆರಳು ವಸ್ತ್ರಾ

ನಿನ್ನ ನಾಮ ಒಂದೇ ಎನಗೇ ಉಸಿರಾಗಿಹುದಯ್ಯಾ

ಅತ್ತು ಕರೆಯುತಲಿರುವೆ ಹೆಚ್ಚು ಹೊತ್ತು ಕಾಯಿಸಲು ಬೇಡವೋ

ಹತ್ತಿರದ ಹೇ ಆತ್ಮಬಂಧೂ ನೀ ನೆಮಗೆ ಕೃಪಾಸಿಂಧೂ ||೨||

ದೋಷವೆಲ್ಲವ ದೂರಕಿರಿಸೋ ಧರ್ಮ ಮಾರ್ಗದ ದಾರಿ ತೋರಿಸೋ

ಅಂಬಾಸುತನಾ ಅನವರತಾ ಪೋಷಿಸೋ

ಸಖರಾಯಪುರವಾಸಾ ಹೇ ಸದ್ಗುರುನಾಥಾ

ಅಂಬೇಯಾ ರೂಪ ನೀ ಎಂದು ನಾ ನಂಬಿಹೆನಯ್ಯಾ ||೩||

ಗುರುನಾಥ ಗಾನಾಮೃತ 

ಸದಾ ನಮಸ್ತೇ ಗುರುನಾಥಾ

ರಚನೆ: ಅಂಬಾಸುತ 

ಸದಾ ನಮಸ್ತೇ ಗುರುನಾಥಾ

ಸಾಮೀಪ್ಯ ಸುಖ ನೀಡೈ ಅವಧೂತಾ ||ಪ||

ಸೇವಾಭಾಗ್ಯವಿದಿರಲಿ ನಿರಂತರಾ

ಪ್ರಾಪಂಚಿಕೆಗೇ ಇರಿಸೋ ಅಂತರಾ

ಸಂತತಾ ಸಂತರಾ ಸಾನಿಧ್ಯದಲೀ

ನಿನ್ನನೇ ಕಾಂಬುವಂತೇ ಹರಸಯ್ಯಾ ||೧||

ರಾಗದ್ವೇಷವ ಹರಿಸಯ್ಯಾ

ನಿಜಭಕ್ತಿಯೊಂದನೇ ಉಳಿಸಯ್ಯಾ

ಇನಷ್ಟು ಜನುಮವದು ಎನಗಿರಲೀ

ನೀ ಗುರು ನಾ ಶಿಷ್ಯ ಅದು ತಪ್ಪದಿರಲೀ ||೨||

ತಾಯಿಯು ತಂದೆಯೂ ನೀನಯ್ಯಾ

ಎನ್ನ ಬಂಧುಬಳಗವೂ ನೀನಯ್ಯಾ

ತೊರೆಯದಿರಯ್ಯಾ ತೃಣನಿವನೆಂದೂ

ಅಡಿಗಡಿಗೆರಗುವೆ ನೀ ಎನ್ನ ಆತ್ಮಬಂಧು ||೩||

ಸಖರಾಯಪುರವಾಸೀ ಗುರುನಾಥಾ

ಸಖನಾಗಿ ಎನ್ನೊಳಿರೋ ಅವಧೂತಾ

ಅಂಬಾಸುತಾ ಈ ಪದಕುಸುಮಗಳನೂ

ಅರ್ಪಿಸುತಲಿಹನೂ ಸ್ವೀಕರಿಸೋ ಅವಧೂತಾ ||೪||