ಏನೂ ಅರಿಯದ ನಾನು - ರಚನೆ :ಶ್ರೀ. ಆನಂದ ರಾಮ್, ಶೃಂಗೇರಿ

ಏನೂ ಅರಿಯದ ನಾನು ಏನು ಬರೆಯಲಿ ಪದಗಳಲಿ ಪ್ರಭುವೇ

ಸಾಲು ಸಾಲು ಪದಗಳ ಜೋಡಿಸಿ ಫಲವಿಲ್ಲ ಎಂದರಿತು ಮೌನಕೆ ಶರಣಾದೆ ಗುರುವೇ|

ಯಾರೂ ಅರಿಯದ ಲೀಲೆ ನೀ ಎನಗೆ ತೋರಿದರೆ ಜಗಕೆ ಸಾರುವೆ ನಾನು

ನನ್ನರಿವಿನ ಜಗದೊಳು ಪೊಳ್ಳು ಭಾವನೆ ತುಂಬಿರಲು ನೀ ಎಲ್ಲಿ ಒಲಿಯುವೆ ಎನಗೆ|

ಏನೂ ಅರಿಯನೆಂದು ಸಾರಿ ಜಗಕೆ ಹೇಳಿದರೂ ಬರೀ ತೋರಿಕೆಯಾಯ್ತು ನನದು

ಮನವು ಬರಿದು ಮಾಡಿ ನೀನೊಬ್ಬನೆಂಬ ಭಾವ ತುಂಬಲಾರದೆ ಸೋತಿಹ ಮನ ನನದು|

ಅನ್ಯರಗೊಡವೆ ಎನಗೆ ಬೇಡವೆಂದು ಮನಕೆ ನೀ ಹೇಳಿದರೂ ಬಿಡಲಿಲ್ಲ ಭ್ರಮೆಯು

ಇತರರ ಅನಂದದಲಿ ದೇವರನು ಕಾಣೆ0ದೆ ನೀನು

ಅದ ಅರಿಯದೇ ಮುಡನಾದೆ ನಾನು| 

ಕಳ್ಳ ಮನದೊಳು ನಂಜಿನಾ ಭಾವತುಂಬಿ ನಿನ್ನ ಭಜಿಸಿ ಫಲವೇನು

ಎಲ್ಲವನೂ ತ್ಯಜಿಸಿ ಪೂರ್ಣ ಶರಣಾಗದೆ ಬೇರೆ ದಾರಿ ತೊರೆಯಾ ನೀನು|