ಮನದೊಳಗೆ ಬಂದ ದೈವಕೆ
ಮನೆಯೊಳಗೆ ಬಾರದ ಮನಸೇಕೆ !
ಮಗಿಲೊಳಗೆ ತುಂಬಿದ ಮಳೆಹನಿಗೆ
ಇಳೆಗೆ ಬಾರದ ಮುನಿಸೇಕೆ !
ತಪ್ಪು ಒಪ್ಪುಗಳೆಲ್ಲವು ನಿನಗೇ ಅರ್ಪಿತ
ಮಾನಸಮ್ಮಾನಕೆಲ್ಲ ನಿನದೇ ಅಂಕಿತ !
ಹೆಸರಿನೊಳಗಿನ ಉಸಿರೇ ನಿನ್ನದಯ್ಯ
ಇನ್ನಾದರೂ ತಡ ಮಾಡದೆ ಬಾರಯ್ಯ !!೧!!
ನಿನ ಪಾದದಡಿಯ ಕಣವು ನಾನು
ನನ್ನ ಪದಗಳೆಲ್ಲದರ ಭಾವವು ನೀನು !
ನಿನ್ನೊಂದು ದೃಷ್ಟಿಗೆ ಕಾದಿಹ ತೃಣವು ನಾನು
ಬಂದೊಮ್ಮೆ ಉಣಿಸೋ ಭಕ್ತಿಯ ಜೇನು !! ೨!!
ನೀನಿದ್ದೆಡೆಯೇ ನಮಗೆ ಸುಖಧಾಮ
ನಿನ್ನ ವಚನಗಳೇ ನಮಗೆ ಶಾಂತಿಧಾಮ !
ನೀನಿತ್ತ ವರಗಳೇ ನಮಗೆ ಚೈತನ್ಯಧಾಮ
ಬಂದೆಮ್ಮ ಗುರಿಮುಟ್ಟಿಸೋ ಸೌಖ್ಯಧಾಮ !! ೩ !!
!! ಸರ್ವದಾ ಸದ್ಗುರುನಾಥೋ ವಿಜಯತೇ !!
೩೦-೧-೨೦೨೦
Venkatachala avadootarige shuba somavaarada saashtaanga pranaamagalu. Gurugale nimma krupe haagu rakshe sadaa yellara mele erali. Sarve jano sukinobavantu.
ReplyDelete