ಎಲ್ಲೆಲ್ಲೂ ಹುಡುಕಿದೆ ಸಿಗದ ನೆಮ್ಮದಿಗೆ - ರಚನೆ :ಶ್ರೀ. ಆನಂದ ರಾಮ್, ಶೃಂಗೇರಿ

ಎಲ್ಲೆಲ್ಲೂ ಹುಡುಕಿದೆ ಸಿಗದ ನೆಮ್ಮದಿಗೆ ಸನಿಹ ಇದ್ದರೂ ಅರಿಯಾದಾದೆ ಗುರುವೇ

ಯಾರೋ ನುಡಿದರು ಎಂದು ಇನ್ನೆಲ್ಲೋ ಕಳೆದು ಹೋದೆ ನಿನ್ನ ಕಾಣದೇ ಪ್ರಭುವೇ|

ಒಮ್ಮೆ ನೆನೆದರು ಸಾಕು ನೀ ತುಂಬುವ ಶಕುತಿ ಎಲ್ಲವನೂ ಗೆಲ್ಲಲು ಸಾಕು ದೊರೆಯೇ

ನಿನ್ನ ಭಜಿಸಲು ದೊರೆವುದು ಮನಕೆ ನಿರಂತರ ಬಲವು ಇತರ ಚಿಂತೆ ನನಗೇಕೆ ಗುರುವೇ|

ಹಸಿವು ನೀರಡಿಕೆ ಈ ಮಿಥ್ಯ ದೇಹದ ಚಿಂತೆ ನಿನ್ನ ಇರುವಿನ ಅರಿವು ಸದಾ ನೀಡಲಿ ನಿಶ್ಚಿಂತೆ

ಮನೆ ಮಠ ಆಸ್ತಿ ಅಡವಿನ ಆಸೆಯ ಬಲೆಯಿಂದ ದೂರಿರಿಸಿ  ನೀಡೆನೆಗೆ  ನಿನ್ನದೇ ಚಿಂತೆ|

ಸಂಸಾರ ನೌಕೆಯ ಪಾಮರ ನಾವಿಕನು ನಾನು ಉದ್ಧರಿಸಿ ದಡ ಸೇರಿಸು ಎನ್ನನು

ಮಕ್ಕಳು ಮರಿಗಳೆಂದು ನಿತ್ಯ ಜೀವನದಿ ಹೋರಾಡುತ ನಿನ್ನನೇ ಮರೆತೆ ನಾನು|

ಮುಖವಾಡ ಧರಿಸಿ ಹೆತ್ತವರನೇ ದೂರುತ ಮಿಥ್ಯದ ಬೆನ್ನತ್ತಿ ಹೋಗಿಹೆನು ನಾನು

ನಿತ್ಯ ಸತ್ಯದ ಅರಿವು ನೀಡೆಂದು ಕೂಗುತ ಸಖರಾಯಪುರದ ನಿನ್ನಂಗಳದಿ ನೆಂತಿಹೆನು ನಾನು|