ನಿನ್ನ ನಂಬಿಹೆನೋ ಗುರುವೇ - ರಚನೆ : ಶ್ರೀ. ಆನಂದ ರಾಮ್, ಶೃಂಗೇರಿ

ನಿನ್ನ ನಂಬಿಹೆನೋ ಗುರುವೇ ಇನ್ನೆಷ್ಟು ತಡಮಾಡುವೆ ಎನ್ನ ಮೊರೆ ಕೇಳಲು

ನಿನ್ನಿಷ್ಟದಂತೆ ಎನ್ನ ನೀ ಹರಸುವಿಯಾದರೆ  ಉಸಿರ ಹಿಡಿದು ನಿನ್ನ ಕಾಯುವೆನೋ|

ಸುಲಭಕೆ ಒಲಿಯನು ಗುರುವು ಎಂಬುದ ಅರಿವಿಲ್ಲದೆ ಸುಮ್ಮನೆ  ಹಲಬುತಿಹೆನೋ

ಎಷ್ಟೋ ಸಾಧನೆಗೈವ ಬಕುತರ ಓರೆಹಚ್ಚಿ  ನೋಡುವ ನಿನ್ನ ಕಣ್ಣಿಗೆ ನಾ ಹೇಗೆ ಬೀಳುವೆನೋ|

ಏನು ಮಾಡಿಹೆನೆಂದು ಎನ್ನ ಸಲಹುವೆ ನೀನು ಸದಾ ನಿನ್ನನೇ ನೆನೆವರ ಗತಿಯೇನೋ

ಅತೀ ಅಲ್ಪನು ನಾನು ಮತಿಯೊಳು ಬರೀ ಭ್ರಮೆಯ ತುಂಬಿ ಕೂಗುತಿಹೆನೋ|

ಹೊಲಸ ಮೇಲಿನ ನೊಣದಂತೆ ಮಲಿನ ಮನದಿ ಬೇಡುವ ಪಾಮರನು ನಿನಗೆ ಬೇಡವಾದೆನೋ

ಹೊರಗೊಂದು ಒಳಗೊಂದು ಭಾವ ಹೊತ್ತು ನಿನ್ನ ಬೇಡಿದರೆ ಇನ್ನೆಲ್ಲಿ ಒಲಿಯುವೆ ನೀನು|

 ನಿನ್ನ ನೆನೆದರೆ  ಬದುಕಿನ ಭಯವಿಲ್ಲ ಹುಂಬತನಕೆ ನಿನ್ನಲಿ ಅಸ್ಪದವೇ ಇಲ್ಲವೋ

ಇನ್ನೆಲ್ಲಿ ಪೋಗಲಿ ನಾನು  ನಿನ್ನ ಚರಣವೇ ಗತಿ ಎನಗೆ ಓ  ಸಖರಾಯ ಪ್ರಭುವೇ|