ನಾನು ಸೇವಕನೂ ಅಲ್ಲಾ ನಿನ್ನ ಸೇವೆಯನೇ ಮಾಡಲಿಲ್ಲ - ರಚನೆ :ಶ್ರೀ. ಆನಂದ ರಾಮ್, ಶೃಂಗೇರಿ

ನಾನು ಸೇವಕನೂ ಅಲ್ಲಾ ನಿನ್ನ ಸೇವೆಯನೇ ಮಾಡಲಿಲ್ಲ

ನಾನು ಬಕುತನೂ ಅಲ್ಲಾ ಎನಗೆ ಬಕುತಿಯ ಅರಿವೇ ಇಲ್ಲ|

ನಿನ್ನ ನೆನೆದೊಡೆ ಮೂಡುವ ಭಾವವು ಏನೆಂದೂ ಅರಿಯದಾದೇನಲ್ಲ

ನಿನ್ನ ನಾಮಕಿರುವ ಶಕುತಿಯ ಅರಿವು ಈ ಮೂಡ ಮನಕೆ ತಿಳಿಯದಲ್ಲ|

ನಿನ್ನ ಚರಿತವ ಕೇಳುತಾ ಎಲ್ಲೋ ಕಳೆದು ಹೋಗುವೆನಲ್ಲಾ

ನಿನ್ನ ಕೃಪೆಯ ಪಡೆಯದೇ ನಿತ್ಯ ಬದುಕು ಕಳೆದು ದಡ್ಡನಾದೆನಲ್ಲಾ|

ನಿನ್ನ ಅರಿತವರಾರು ಎನಗೆ ಸಿಗದೆ  ಬರೀ ಭ್ರಮೆಯಲೇ ಕಾಲ ಕಳೆದನಲ್ಲಾ

ನಿನ್ನ ಒಂದೊಂದು ನುಡಿಯು ಅಮೃತ ಬಿಂದುವು ನಾ ಪಡೆಯದಾದೆನಲ್ಲಾ|

ನಿನ್ನ ಕೋಪಕೂ ಸಿಗದೆ ಎನ್ನ ಕರ್ಮವೂ ಕಳೆಯದೇ ವ್ಯರ್ಥ ಜೀವನ ನಡೆಸಿಹೆನಲ್ಲಾ

ನಿನ್ನ ಮುಂದೆ ತಲೆಬಾಗದೆ ಅಹಂನ ಹೊರದೂಡದೆ ಗುಂಪಿನಲಿ ಕಾಣೆಯಾದೆನಲ್ಲಾ|

ನಿನ್ನ ಪಡೆಯಲು ಇನ್ನೆಷ್ಟು ಜನುಮ ಬೇಕೋ ನೀ ಇಷ್ಟ ಪಟ್ಟಂತೆ ಬಾಳಲಿಲ್ಲಾ

ಇನ್ನಾದರೂ ಎನ್ನ ಮನ್ನಿಸಿ ಹರಸೆನ್ನುತ ಬೇಡುವ ಮನವಿ ಸಖರಾಯಧೀಶಗೆ ಕೇಳಲಿಲ್ಲಾ|