ಬೇಡುವ ಬಕುತನ ಮನದಲಿ - ರಚನೆ :ಶ್ರೀ. ಆನಂದ ರಾಮ್, ಶೃಂಗೇರಿ

ಬೇಡುವ ಬಕುತನ ಮನದಲಿ ಮೂಡುವ ಬಯಕೆಗೆ ಕೊನೆಯುಂಟೆ

ಬಾವಿಕ ಬಕುತನ ಸಲಹುವ ಗುರವೇ ನಿನ್ನ ಲೀಲೆಗೆ ಮಿತಿಯುಂಟೇ|

ಎಲ್ಲೆಲ್ಲೋ ಅಲೆದು ನೀನೇ ಗತಿಯೆಂದು

ಬೇಡುತಿಹ ಎನ್ನನು ದೂರಮಾಡುವುದುಂಟೆ

ಅಂತರಂಗದಲಿ ನಿಜ ಭಾವ ಭಕುತಿ ಮೂಡದ ಹೊರತು ನೀ ಸಲಹುವುದುಂಟೇ|

ಎನ್ನನೇ ಆವರಿಸಿರುವೇ ಗುರುವೇ ನಿನ್ನ ಹೊರತು ಅನ್ಯರ ಬಜಿಸಿರೆ ಬದುಕುಂಟೆ

ಇಷ್ಟವೋ ಕಷ್ಟವೋ ಎನ್ನ ಸಹಿಸಿ ಮುನಿಸು ತೋರದೇ ಹರಸದಿರೆ ನಾ ಬಾಳುವುದುಂಟೇ|

ನೋಡುಗರ ನೋಟಕೆ ನಾನೂ ಬಕುತನೆಂದು ನಾ ನಟಿಸಿರೆ ನೀ ಎನ್ನ ಒಪ್ಪುವುದುಂಟೇ

ಕಣ್ಣಾಲಿಗಳಲಿ ತುಂಬಿಹ ಬಕುತಿಯ ಹನಿಗಳ ನೀ ಕಾಣದೆ ಎನ್ನ ಕೂಗಿಗೆ ಬೆಲೆಯುಂಟೇ|

ಕಾಣದ ಗುರುವಿಗೆ ಹಂಬಲಿಸಿ ಸೋತಿಹ ಮನಕೆ ನೀ ಒಲಿಯದೇ ಬೇರೆ ದಾರಿಉಂಟೇ

ಸಖರಾಯದೀಶ ಬಕುತರ ಭಗವಂತ ಎನ್ನ ನುಡಿಗಳ ಆಲಿಸದೆ ದೂರಮಾಡುವುದುಂಟೇ|