ಗುರುನಾಥ ಗಾನಾಮೃತ 

ಎಂದು ಬರುವೆ ಗುರುನಾಥ 

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಎಂದು ಬರುವೆ ಗುರುನಾಥ

ನಮ್ಮ ಮನೆಯ ಅಂಗಳದೊಳಗೆ |

ಎಂದು ನೆಲೆಸುವೆ ಗುರುನಾಥ

ನಮ್ಮ ಮನಸಿನ ಗುಡಿಯೊಳಗೆ ||

ಹೊರಗಣ್ಣ ಜ್ಯೋತಿಯಲಿ 

ಒಳಗಣ್ಣ ಕಾಂತಿಯಲಿ

ನೋಡುವೆನೊಮ್ಮೆ ನಿನ್ನ ದಿವ್ಯಮೂರ್ತಿಯ |

ಬಹಿರಂಗದ ಮಾತಿನಲಿ 

ಅಂತರಂಗದ ಮೌನದಲಿ

ಕಾಣುವೆನೊಮ್ಮೆ ನಿನ್ನ ಭವ್ಯಮೂರ್ತಿಯ || ೧ ||

ಸುಂದರ ಸಗುಣ ರೂಪದಲಿ

ನಿರಾಕಾರ ನಿರ್ಗುಣ ಸ್ವರೂಪದಲಿ

ದರ್ಶಿಪನೊಮ್ಮೆ ನಿನ್ನ ತೇಜೋಮೂರ್ತಿಯ |

ಅಂತರ್ಮುಖಿಯ ಸ್ತಬ್ಧತೆಯಲಿ

ಬಹಿರ್ಮುಖಿಯ ಚೇತನದಲಿ

ಕಾಣುವೆನೊಮ್ಮೆ ನನ್ನ ಜೀವದೊಡೆಯನಾ || ೨ ||