ಗುರುನಾಥ ಗಾನಾಮೃತ 

ಏನೂ ಅರಿಯದಾದೆನೋ ಗುರುವೇ ಏನೂ ತಿಳಿಯದಾದೆನೋ

ರಚನೆ: ಆನಂದರಾಮ್, ಶೃಂಗೇರಿ  

ಏನೂ ಅರಿಯದಾದೆನೋ ಗುರುವೇ ಏನೂ ತಿಳಿಯದಾದೆನೋ

ನಿನ್ನ ಬಜಿಸುವ ಪರಿ ತಿಳಿಯದಾದೆನೋ  ದಾರಿ ತೋರಿ ಹರಸು ಎನ್ನನು|

ಮನವ  ನಿಲ್ಲಿಸಿ ನಿನ್ನ ನೆನೆವ ರೀತಿ ಎನಗೆ ತಿಳಿಯದಾಯಿತೋ

ಕೂಗಿ ಕರೆವ ಬಕುತಿ ತೋರಿ ನಿನ್ನ ಬಜಿಸಲಾರೆನೋ ಗುರುವೇ|

ಆಡಂಬರದ ಬಕುತಿ ತೋರಲಾರೆನೋ ನಿಜ ಬಕುತಿಯ ಅರಿಯಲಾರೆನೋ

ಮಲಿನ ಮನವ ಶುದ್ದಿ ಮಾಡಿ ನಿನ್ನ ಬಜಿಸುವ ಶುದ್ದ ಮನವ ನೀಡಲಾರೆಯಾ|

ಕಾಮ ಮೋಹ ತುಂಬಿ ತನುವು ಮನವು ಹಳಸಿ ಹೋಗಿದೆ

ಕಪಟ ಕುಹುಕ ಬಾವ ತುಂಬಿ ಹೃದಯ ಬಲು ಬಾರವಾಗಿದೆ|

ಮಂದ ಮತಿಯು ನಾನು ಪೊಳ್ಳು ಮಾತುಗಳ ಆಡುತಿಹೆನೋ

ಪಾಮರನು ನಾನು ನಿತ್ಯ ಬದುಕ ಬವಣೆ ಮೀರಿ ನಿಲ್ಲಲಾರೆನೋ|

ಎಲ್ಲರ ಸಲಹುವ ಗುರುವೇ ನಮ್ಮ ಮಹಾದೇವ ನೀನಲ್ಲಾವೇನು|

ಸಕರಾಯಪುರದ ಅರಸನು ನೀನು ಕರುಣಿಸಿ ಹರಸು ಎನ್ನನು|