ಗುರುನಾಥ ಗಾನಾಮೃತ 

ಕುಳಿತಿಹರು ಗುರುವರರು ಮರದ ನೆರಳಲಿ ಮಂದ ಹಾಸ ಬೀರುತ ಹರಸುತ

ರಚನೆ: ಆನಂದರಾಮ್, ಶೃಂಗೇರಿ  

ಕುಳಿತಿಹರು ಗುರುವರರು ಮರದ ನೆರಳಲಿ ಮಂದ ಹಾಸ ಬೀರುತ ಹರಸುತ

ಬಂದ ಬಕುತರ ಬವಣೆ ತೀರಿಸುತ ಮಹಾದೇವನೇ ತಾನಾಗಿ ತೋರುತ|

ನೀಡುವ ಅಭಯದೊಳು ಪ್ರೀತಿ ತುಂಬಿ ಮನವ ತುಂಬುವರು

ಜೊತೆ ನಾನಿರುವೆ ಸತ್ಯದ ಹಾದಿಯಲಿ  ನಡೆದು ಬದುಕೆನ್ನುವರು|

ಬಕುತಿಯಲಿ ಆಡಂಬರ ಮಾಡದೆ ನಡೆದರೆ ನಿನ್ನ  ಒಪ್ಪುವರು

ನಾನು ಎಂಬುದ ಮರೆತು ಬಜಿಸುತಿರೆ ನಿನ್ನ ಸಂಗಡ ಗುರು ಇರುವರು|

ನಿನ್ನ ಬಕುತಿಯ ರೀತಿ ತಿಳಿಯಲು  ನಿನ್ನ ಮನ ಹೊಕ್ಕು ನೋಡುವರು

ಕಂಡೂ ಕಾಣದಂತಿದ್ದು ನೀ ಎಡವದಂತೆ ಜೊತೆ ಇದ್ದು ಕಾಯುವರು|

ಎಲ್ಲರಲೂ ನೀ ಗುರು ಕಂಡಾಗ ನಿನ್ನ0ತರಂಗದ ಕದವ ತೆರೆವರು

ನಿನ್ನೆಲ್ಲಾ ಸಾಧನೆ ಅವನದು ಎಂದು ಅರ್ಪಿಸಲು ನಿನ್ನ ಉದ್ದರಿಸುವರು|