ಗುರುವೇ ಬದುಕು ಜಗದಲಿ - ರಚನೆ :ಶ್ರೀಮತಿ. ಶೈಲಜಾ ಕುಮಾರ್, ಮೈಸೂರು

ಗುರುವೆಂಬ ಬೆಳಕು ಜಗದಲಿ

ಜೀವರಾಶಿಯ ಬೆಸೆದಿಹ ಜ್ಯೋತಿಯಲಿ |

ಆಸರೆಯಾಗಿಹುದು ಇಹದಲಿ

ದಾರಿ ತೋರುವುದು ಪರದಲಿ ||

ಜ್ಞಾನವೆಂಬ ಮಣ್ಣನು ತಂದು

ಸತ್ಯವೆಂಬ ಕುಲುಮೆಯಲಿ ಬೆಂದು |

ಪ್ರಜ್ಞಾನವೆಂಬ ಹಣತೆಯ ಮಾಡಿ

ಶುದ್ಧತೆಯ ತೈಲವನೆ ಸುರಿದು || 1 ||

ಭಕ್ತಿಯೆಂಬ ಹತ್ತಿಯ ಹೊಸೆದು

ಕಾಂತಿಯೆಂಬ ಎಳೆಯನು ಬೆಸೆದು |

ಅದ್ವೈತತತ್ತ್ವದಲಿ ಬೆಳೆದು

ಅರಿವೆಂಬ ಜ್ಯೋತಿಯು ಹೊಳೆದು || 2 ||

ಬದುಕ ಗಮ್ಯವು ತೋರಲಿ  

ದ್ವಂದ್ವದ ಭಾವವು ಕಳೆಯಲಿ !

ಆಶೆಯ ತಮವು ಕರಗಲಿ 

ಮುಕ್ತಿಯ ದೀಪ್ತಿಯು ಬೆಳಗಲಿ || 3 ||

||ಸರ್ವದಾ ಸದ್ಗುರುನಾಥೋ ವಿಜಯತೇ ||

29-10-2020