ಬರಿ ಮಾತಲಿ ಬೇಡುತ ಗುರುವೆಂದೊಡೆ - ರಚನೆ : ಶ್ರೀ. ಆನಂದ ರಾಮ್, ಶೃಂಗೇರಿ

ಬರಿ ಮಾತಲಿ ಬೇಡುತ ಗುರುವೆಂದೊಡೆ ಅವ ಸ್ವೀಕರಿಸುವೆನೆ ಎನ್ನಾ

ಸರಿ ದಾರಿಯಲಿ ಸಾಗದೆ ಕೂಗಿದೊಡೆ ಬಂದು ಹರಸುವೆನೇ ಎನ್ನಾ|

ಮುಖವಾಡವ ಕಳಚದೆ ಬರೀ ಪದಗಳಲೇ ಬೇಡಿದೊಡೇ  ಒಪ್ಪುವನೇ ನನ್ನ

ಹುಚ್ಚು ತನವ ಭಕುತಿ ಎನುತ ನನ್ನಿಷ್ಟದಂತೆ ಕೂಗಿದೊಡೆ ಹರಸುವೆನೇ ಎನ್ನ|

ಅವನಿತ್ತುದ ಒಪ್ಪದೇ ಇನ್ನೇನನೋ ಬೇಡುವ ಆಸೆ ಹೊತ್ತವನ ಹತ್ತಿರ ಸೇರಿಸುವನೆ ಎನ್ನ

ಕರುಬು ತನದಿ ಎಲ್ಲಾ ನನ್ನದೆನುವವನ ಬೇಡಿಕೆಯ ಒಪ್ಪಿ  ಕರುಣಿಸುವನೇ ನನ್ನ|

ಪರರ ನಡೆನುಡಿಯ ಎತ್ತಿ ಆಡುವ ಈ ನಾಲಗೆಯ ಪದವ ಕೇಳಿ ದೂರ ತಳ್ಳನೇ ಎನ್ನ

ಅಲ್ಪ ಮತಿಯು ನಾನಾದರೂ ಅನ್ಯರ  ಡೊಂಕ ಹುಡುಕುವವನ ಕರುಣಿಸುವೆನೆ ನನ್ನ|

ನಾನೊಬ್ಬ ಬಕುತನೆನುತ ನಿಜ ಬಕುತರ ಹಳಿವಗೆ ದಾರಿ ತೊರೆಂದರೆ ಒಪ್ಪುವನೇ ಗುರುನಾಥ

ಸಖರಾಯಪುರದ ಹಾದಿ ಸವಿಸಿ ನಿನ್ನ ಪಾದದಡಿ ಶಿರವಿಟ್ಟು ಬೇಡುವೆನು ಕರುಣಿಸೋ ಗುರುನಾಥ|