ನಾ ಕಳ್ಳನೋ ಬಲು ಮಳ್ಳನೊ ನಿಜ ಬಕುತಿಯ ಅರಿಯದೇ ನಿನ್ನ ಬೇಡುವೆನೋ
ಬಲು ನಮ್ರತೆಯ ಸೋಗಿನೊಳು ನಿನ್ನ ಬಜಿಸುವ ಮುಖವಾಡ ದರಿಸಿಹೆನೋ|
ಕಣ್ಣ ಮುಚ್ಚಿ ಬಕುತಿಯಲಿ ಮೈ ಮರೆತವನಂತೆ ನಟಿಸಿ ಇನ್ನೆಲ್ಲೋ ಮನ ನಿಲ್ಲಿಸಿಹೆನೋ
ನಿನ್ನಣತಿಯಿಲ್ಲದೆ ಬದುಕು ಸಾಗದೆಂದು ಅರಿತರೂ ಮೂಡನಂತೆ ಬದುಕಿಹೆನೋ|
ಏನನೋ ಬಯಸಿ ನಿನ್ನಪದತಳದಿ ಭಂಡನಂತೆ ನಿಂತು ಕೂಗುತಿಹೆನೋ
ಕೊಟ್ಟಿದ್ದು ಸಾಲದೆಂಬಂತೆ ನಿರಂತರ ಬೇಡುವ ಕಾಯಕ ಮಾಡಿ ಕೊಂಬಿಹೆನೋ|
ಹೊಲಸು ಬೇಡವೆಂದರೂ ಮನದ ಆಸೆಯ ತುಳಿಯದೆ ಸೋತು ನಿಂತಿಹೆನೋ
ಮತ್ತೆ ಮತ್ತೆ ಮನ್ನಿಸೆಂದು ನಿನ್ನ ಬೇಡುವ ನಾಟಕದಿ ಕಾಲ ಕಳೆದಿಹೆನೋ|
ನಿಜಬಕುತರೊಡನಾಟ ಬಯಸಿ ಬರೀ ಬಾಹ್ಯಶುದ್ದಿಗೆ ಗುರುವೆಲ್ಲಿ ಒಲಿವನೋ
ಎನ್ನ ಅಂತರಂಗ ಶುದ್ದಿಗೊಳಿಸದೇ ಗುರುವೇ ಇನ್ನ್ಯಾವ ದಾರಿ ನಾ ಕಾಣೆನೋ |
Venkatachala avadootarige nanna bhakti poorvaka namanagalu. Swamy yellarigu manashanti, nemmadi haagu samadhaana karunisi yendu beduve .Hari om tatsat.
ReplyDelete