ಆಲಿಸೋ ಎನ್ನ ಮನದ ಮೊರೆಯ - ರಚನೆ :ಶ್ರೀ. ಆನಂದ ರಾಮ್, ಶೃಂಗೇರಿ

ಆಲಿಸೋ ಎನ್ನ  ಮನದ ಮೊರೆಯ, ಪರಿ ಹರಿಸೋ ಎನ್ನ ಬದುಕ ಬವಣೆಯ

ನಿತ್ಯ ನಿನ್ನ ಸೇವಿಪ ಬಕುತರಂತಲ್ಲ ನಾನು ಎಲ್ಲೋ ಹಾದಿ ತಪ್ಪಿದ ಪಾಮರನೋ|

ಎಲ್ಲಾ ಅರಿತರೂ ಏನೂ ಅರಿವಿಲ್ಲದಂತೆ ನಟಿಸಿ ಮನದ ಅಹಂ ಮುರಿಯುವೆ

ಎಲ್ಲವನೂ ನೀಡಿ ಇನ್ನೂ ಸಾಲದೆಂಬ ಮನವ ನೀಡಿ ಕಾಡಬೇಡವೋ|

ಎಲ್ಲ ನಿನ್ನದಾಗಿರುವಾಗ ನಾನು ಕೊಟ್ಟೆನೆಂಬ ಬಾವ ತುಂಬಿ ನುಡಿಸಬೇಡವೋ

ನಿನ್ನಣತಿಯಿಲ್ಲದೆ ಹುಲ್ಲು ಕಡ್ಡಿಯೂ ಅಲುಗದು ನಾ ಮಾಡಿದನೆಂಬ ಬಾವ ಬೇಡವೋ|

ನಾ ದೊಡ್ಡವನೆಂಬ ಭಾವ ತುಂಬಿ ಎನ್ನ ಆಡಿಸಿ ಬೀಳಿಸ ಬೇಡವೋ

ಎಲ್ಲವರಿಗಿಂತ ನಾ ಸಣ್ಣವನೆಂಬ ಭಾವ ಮೂಡಿಸಿ ಮನತುಂಬಿ  ಎನ್ನ ಹರಸೋ |

ಬಣ್ಣಗಳ  ಚಿತ್ತಾರ ಮನದಿ ಮೂಡಿಸಿ ನಿನ್ನ ನೆನೆವ ಮನದ  ಹಾದಿ ತಪ್ಪಿಸ ಬೇಡವೋ

ಮುನ್ನಡಿ ಇಡುವ ಮುನ್ನ ಎನ್ನ ಮನದಿ ನಿನ್ನ ನಾಮವು ಅಳಿಯದಂತೆ ನೋಡೋ|