ವರವ ನೀಡು ವರದಾತ - ರಚನೆ :ಶ್ರೀಮತಿ. ಶೈಲಜಾ ಕುಮಾರ್, ಮೈಸೂರು

ವರವ ನೀಡು ವರದಾತ

ಅಭಯ ನೀಡು ಅಭಯಧಾತ 

ಬೇಡುತಿಹೆ ನಿನ್ನ ಅವಧೂತ ||

ನಿರ್ಮಲತೆಯು ತುಂಬುವಂತೆ

ಶಾಂತಮನವು ಕದಡದಂತೆ |

ದ್ವಂದ್ವಗಳು ಕಾಡದಂತೆ

ಭಕ್ತಿಭಾವ ಮೂಡುವಂತೆ || 1 ||

ಚಂಚಲತೆಯು  ಹೋಗುವಂತೆ

ದೃಢತೆಯು ಬರುವಂತೆ‌ |

ದಿವ್ಯತೆಯು ಬೆಳಗುವಂತೆ

ಮೌಢ್ಯಭಾವ ತೊಲಗುವಂತೆ || 2 ||

ನ್ಯಾಯಧರ್ಮ ಹಿಡಿಯುವಂತೆ

ದಯೆಯ ಮರ್ಮ ತಿಳಿಯುವಂತೆ |

ಸಕಲಜೀವಿಗಳಲು ನಿನ್ನ ಕಾಣುವಂತೆ

ಸಹನೆಯ ಸಿರಿಯ ಅರಿಯುವಂತೆ || 3 ||

|| ಸರ್ವದಾ ಸದ್ಗುರುನಾಥೋ ವಿಜಯತೇ ||

17-11-2020