ಬರೀ ಆಸೆಗಳ ಈಡೇರಿಕೆಗೆ ಬೇಡುವುದೆಂತೋ - ರಚನೆ: ಶ್ರೀ. ಆನಂದ ರಾಮ್, ಶೃಂಗೇರಿ

ಬರೀ ಆಸೆಗಳ ಈಡೇರಿಕೆಗೆ ಬೇಡುವುದೆಂತೋ ದಣಿವಾಗಿದೆ ಗುರುವೇ 

ಮೂಡನು ನಾನು ಎನ್ನ ಮತಿಯ ಬೆಳಗಿ ನಿತ್ಯ ಸತ್ಯವ ತೋರೋ ಪ್ರಭುವೇ|

ಎನ್ನ ಬದುಕಿನ ಸುತ್ತಲೂ ಆಮಿಷಗಳಿರಿಸಿ ಮನವ ದುರ್ಭಲ ಮಾಡಬೇಡವೋ

ಕಷ್ಟ ಕೋಟಲೆಗಳ ನಡುವೆ ನಿಲ್ಲಿಸಿ ಎನ್ನ ದೂರ ಮಾಡಬೇಡವೋ ದೊರೆಯೇ|

ಬಣ್ಣದ ಚಿತ್ತಾರದ ನಡುವೆ ನಿಂತ ಮಾತು ಬಾರದ ಮನುಜನಾದೆನೋ

ಎತ್ತ ನೋಡಿದರೆತ್ತ  ಚಿತ್ತ ಕೆಡಿಸುವ ವಿಷಯ ವಾಸನೆಗಳ ದಾಸನದೆನೋ|

ಮತ್ತು ಬಂದಂತೆ ಬಕುತಿಯ ನಾಟಕವಾಡಿ ನಿನ್ನ ಅಂಗಳದಿ ಆಡಿಹೆನೋ

ಸುತ್ತಮುತ್ತಲ ನೋಟ ಎನ್ನ ಕಡೆಗಿರಲೆಂದು ಕಣ್ಮುಚ್ಚಿ ಕುಳಿತು ನಾಟಕವಾಡಿಹೆನೋ|

ಸಖರಾಯಧೀಶನೆ ನೀನು ಮನದೊಳಗಿಹ ಭಾವ ಬದಲಿಸಿ ಹರಸುವೆಯೇನೋ

ಉಸಿರುಗಟ್ಟಿಸುವ ಮನದ ಗೊಂದಲವ ದೂರಮಾಡಿ ಕಾಪಡೋ ಎನ್ನನು|