ಗುರುನಾಥ ಗಾನಾಮೃತ 

ಶ್ರೀಪಾದನನು ನೆನೆಯದ ಮನವು ಯಾಕೆ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಶ್ರೀಪಾದನನು ನೆನೆಯದ ಮನವು ಯಾಕೆ

ಗುರುಪಾದವನು ನಮಿಸದ ಜೀವ ಯಾಕೆ ।।

ಇಹದ ಸುಖವನು ಬೇಡುವ ಕೈಗಳೇಕೆ

ದಾನವ ಮಾಡದ ಸಿರಿತನವೇಕೆ ।

ಗುರುಮೂರುತಿಯ ಕಾಣದ ಕಂಗಳು ಯಾಕೆ

ಅವರ ಮಾತನು ಆಲಿಸದ ಕಿವಿಗಳು ಯಾಕೆ ।। ೧ ।।

ಶ್ರೀಚರಣಕೆ ಬಾಗದ ಶಿರವು ಏಕೆ

ಗುರುವನು ಪೊಗಳದ ನಾಲಿಗೆ ಏಕೆ ।

ಶಬ್ದಗಳಲಿ ಅವನ ಕಾಣದ ಪಾಂಡಿತ್ಯವೇಕೆ

ಜೀವದೊಡೆಯನ ಸದಾ ಸ್ಮರಿಸದ ಜನುಮವೇಕೆ ।। ೨ ।।

ಸ್ಥಿರಚಿತ್ತವಿರದ ತಪವು ಯಾಕೆ

ಗಣನೆಯೇ ಮಾಡುವ ಜಪವು ಯಾಕೆ ।

ಆಚಾರವಿಲ್ಲದ ನಾಲಿಗೆ ಏಕೆ

ಸ್ಥಿರಮುಕ್ತಿಸುಖವ ಬೇಡದ ಜೀವನವೇಕೆ ।। ೩ ।।