ಬರುವನೋ ಗುರುನಾಥ ಕರೆದಾಗ ನಿಮ್ಮ ಮನದ ಮನೆಯೊಳಗೆ
ನಿಲ್ಲುವನೋ ಮನೆಯೊಳಗೂ ಹೊರಗೂ ಭಾವ ಶುದ್ದಿ ತುಂಬಿ ಬೇಡಿದಾಗ|
ಮಂತ್ರ ತಂತ್ರ ಕೇಳಲೊಲ್ಲ ಅವ ನಿರಂತರ ಭಜಿಸಿರೆ ಸುಲಭದಿ ದೊರೆಯುವ
ನಾನು ಎನ್ನುತಾ ಮುಂದಡಿಯಿಟ್ಟರೆ ಮತ್ತೆಂದೂ ಸಿಗದೆ ಬಲು ಕಾಡಿಸುವ|
ನುಡಿಯ ನಂಬಿ ನಡೆದುದಾದರೆ ಭವ ಬಂಧನವನು ದಾಟಿಸಿ ಬಿಡುವನವ
ಅನುಮಾನಿಸದೆ ದಾರಿ ತುಳಿದರೆ ದಾರಿ ದೀಪವಾಗಿ ಬೆಳುಕು ತೋರುವವ|
ಸಾಧಕನ ನಿಜ ಗುರು ಅವ ಬಾಧಕಗಳ ಬಡಿದೋಡಿಸಿ ಕಾಯುವವ
ಅರಿವಿನರಿವು ಬೇಕೆನುತ ಭಜಿಸುತ ಬೇಡುವ ಬಕುತಗೆ ಹರುಷದಿ ಹರಸುವವ|
ಇನ್ನೇನು ಬೇಕು ನಿಜಬಕುತಗೆ ನಿನ್ನ ಪದತಲದಿ ಶಿರವಿಟ್ಟು ಶರಣಾಗಿ ಬೇಡುವ
ಸಖರಾಯಪುರದ ಮಹನೀಯ ನಿನ್ನೊಲುಮೆ ಬೇಡುವ ಈ ಪಾಮರಗೆ ಒಲಿಯುವೆಯಾ|
Hosa varushadalli nimma krupe haagu asheervaada samasta janara mele erali. Hari om tatsat.
ReplyDelete