ಎಂಥಾ ವೈಭವವೋ ಬಲು ಆನಂದವೋ - ರಚನೆ : ಶ್ರೀ. ಆನಂದ ರಾಮ್, ಶೃಂಗೇರಿ

ಎಂಥಾ ವೈಭವವೋ ಬಲು ಆನಂದವೋ ಕೈಲಾಸದರೆಗಿಳಿದೆದೆಯೋ

 ಧರೆಗಿಳಿದ ಮಹಾದೇವನೋ ಗುರುವು  ಸಖರಾಯಪುರದವಾಸನೋ|

ಬೃಂದಾವನವೋ ಅದು ನಿಜ ಬಕುತರ ನೆಮ್ಮದಿಯ ತಾಣವೋ

ಹಸಿರು ತುಂಬುದೆಯೋ ತೆಂಗು  ಕಂಗುಗಳ ನಿರ್ಮಲ  ಪುಣ್ಯಭೂಮಿಯೋ|

ವಿಶ್ವ ವ್ಯಾಪಿಯೋ ನನ್ನ ಗುರುವಿನ ಕರುಣೆಯೋ ಬಲು ಅಪರೂಪವೋ

ಎಲ್ಲರಿಗೂ ದೊರೆವುದೋ ಮಹಾಮಹಿಮನ ಕೃಪೆಯ ಹಾರೈಕೆಯೋ|

ಪೂಜೆಯ ಆಡಂಬರವ ಒಲ್ಲನೋ ಗುರುವು ಮನದಾಳದ ಭಕುತಿಗೆ ಒಲಿದನೋ

ಅರಿತ ಬಕುತರ ಗುರುತಿಸೆ ನಾನೆಂಬ ಭಾವವ ಅಳಿಸೆ ಮುದದಿ ಸಲಹುವನೋ|

ಏನೂ ಬೇಡನೋ ನನ್ನ ಗುರುವು ತೋರದಿರು ನಿನ್ನ ಬಕುತಿಯ ಬಡತನವೋ

ಎಲ್ಲಾ ನೀನೆನುತ  ಪಡೆವೆನು ನೆಮ್ಮದಿಯ ಬದುಕಿನ  ನಿತ್ಯ ಪ್ರಸಾದವೋ|