ಗುರುನಾಥ ಗಾನಾಮೃತ 

ಶರಣಾದೇ ನಿನಗೆ ಗುರುವೆ

ರಚನೆ: ಅಂಬಾಸುತ 

ಶರಣಾದೇ ನಿನಗೆ ಗುರುವೆ

ಕರುಣದಿ ಎನ್ನನು ಪೊರೆಯೋ ಪ್ರಭುವೆ||ಪ||

ನಿನ್ನ ಹೊರತು ಎನಗ್ಯಾರಿಲ್ಲ

ನೀನೇ ಗತಿ ಎಂದು ನಂಬಿಹೆನಲ್ಲಾ

ಕಾಮಧೇನು ಕಲ್ಪವೃಕ್ಷ

ಕಲಿಯುಗದಿ ಸದ್ಗುರುವೇ ಎಲ್ಲಾ ||೧||

ನೀನೇ ಸುಖದ ಸಾಗರವಯ್ಯ

ನೀನೇ ಪ್ರೇಮದ ಆಗರವಯ್ಯ

ನೀನೇ ಕರುಣೆಯ ಆಗಸವಯ್ಯ

ನೀನೇ ಹರಿಹರ ಬ್ರಹ್ಮನಯ್ಯ ||೨||

ಅರಿವಿನ ಮನೆಯ ದೊರೆ ನೀನಯ್ಯ

ಅಂಧಕಾರವ ಅಳಿಸುವ ಜೀಯ

ಆತ್ಮಭಾವವ ಬೇಡಿಹೆನಯ್ಯ

ದೇಹಭಾವವ ಕಳೆಯಯ್ಯ ||೩||

ನನ್ನಂಥಾ ಪಾಪಿ ಯಾರಿಲ್ಲ

ನಿನ್ನಂಥ ಪುರುಷೋತ್ತಮನಿಲ್ಲ

ಯೋಗಯೋಗ್ಯತೆ ನೋಡಬೇಡಯ್ಯ

ನಿನ್ನ ಪದತಲದಿ ಎನ್ನನಿರಿಸಯ್ಯ ||೪||

ನೀನಿಟ್ಟಂತೇ ನಾನಿರುವೆ

ನೀ ಕೊಟ್ಟಿದ್ದನೇ ಉಣುವೆ

ನೀ ಕರೆದಾಗ ನಾ ಬರುವೆ

ನೀ ನುಡಿದಂತೆ ನಾ ನೆಡೆವೆ ||೫||

ಸಖರಾಯ ಪಟ್ಟಣವಾಸ

ಶ್ರೀವೇಂಕಟಾಚಲ ಅವಧೂತ

ಅಂಬಾಸುತನಾ ಆತ್ಮಬಂಧು ನೀನೇ

ಅವನನ್ನುದ್ಧರಿಸೋ ಮಹಾದೇವನೇ ||೬||