ಗುರುನಾಥ ಗಾನಾಮೃತ 

ದಿಕ್ಕು ಕಾಣದೆ ನಿಂತಿಹೆನೋ

ರಚನೆ: ಅಂಬಾಸುತ 

ದಿಕ್ಕು ಕಾಣದೆ ನಿಂತಿಹೆನೋ

ಚೊಕ್ಕದಾರಿಯ ತೋರಿಸೋ||ಪ||

ಅಕ್ಕರೆಯ ಮಗುವೆಂದು ಭಾವಿಸೋ

ಸಕ್ಕರೆಯ ನಾಲಿಗೆಯೊಳಿರಿಸೋ ಅವಧೂತನೇ ||ಅ.ಪ||

ದರ್ಪವೆಂಬುವ ಸರ್ಪ ಓಡಿಸೋ

ಜ್ಞಾನ ದಾರಿದ್ರ್ಯವನು ಅಳಿಸೋ

ಭವದ ಬಂಧನ ಬಿಡಿಸಿ ಎನ್ನನ್ನು

ನಿನ್ನ ಅಂಕೆಯೊಳಾಗಿರಿಸೋ ಅವಧೂತನೇ ||೧||

ಮಾತು ಕೆಡಿಸೋ ಮೌನ ಕಲಿಸೋ

ದುಷ್ಟ ಚಿಂತೆಯಾ ಮರೆಸೋ

ಸಾಧು ಸಜ್ಜನರಾ ಸಂಘವಾ

ಇತ್ತು ಎನ್ನನುದ್ಧರಿಸೋ  ಅವಧೂತನೇ||೨||

ನಿನ್ನ ದಾಸನನ್ನಾಗಿಸೋ

ನಿನ್ನ ಮನೆಯೊಳಗೆನ್ನನಿರಿಸೋ

ಕಾಂಚಾಣಾ ಕಾಮಭೋಗವಾ

ಎನ್ನ ಮನದಿಂದ ಮರೆಮಾಡೋ ಅವಧೂತನೇ||೩||

ನೀನೇ ಅಂಬಾ ಸುತನು ನಾನು

ನನ್ನತನವನು ದಹಿಸೋ

ಮೋಕ್ಷಾದೀ ಬಯಕೆಗಳನು

ಬಯಸದಂತೆ ಹರಸೋ  ಅವಧೂತನೇ||೪||