ಗುರುನಾಥ ಗಾನಾಮೃತ 

ನಾ ಮರೆತೆ ಎನ್ನ ನಿಜ ಕಾಯಕ

ರಚನೆ: ಅಂಬಾಸುತ 

ನಾ ಮರೆತೆ ಎನ್ನ ನಿಜ ಕಾಯಕ

ಆಗಲಿಲ್ಲ ಸದ್ಗುರು ಸೇವಕ

ಬಯಸಿದೆನೋ ಲೌಕಿಕದಾ ಸುಖ

ಅನುಭವಿಸಿದೆನಿಲ್ಲೇ ನರಕ  ||

ನಂಬಿದೆನೋ ಜಾತಕ

ಕೈಕಟ್ಟಿ ಕೂರುವುದೇ ಘಾತುಕ

ನೋಡಲಿಲ್ಲ ಸಜ್ಜನರಾ ಮುಖ

ನನಗುಳಿದುದು ಬರೀ ದುಖಃ ||

ಅರಿಯಲಿಲ್ಲಾ ಜಗವಿದು ನಾಟಕ

ಅದರಿಂದ ನಾನಾದೆ ಮೂರ್ಖ

ಅರಿಷಡ್ವರ್ಗಗಳೇ ಬಾಧಕ

ಅದ ಮೆಟ್ಟಿ ನಿಂತವನೇ ಸಾಧಕ ||

ಬೇಧ ಬಿಟ್ಟವ ಹೇಳಿದ ಏಕ

ಲೋಕವ್ಯವಹಾರಿಗದು ಅನೇಕ

ಗುರುನಾಮವೊಂದೇ ತಾರಕ

ಅದ ನಂಬಿದರೆ ನೀ ಕಲ್ಯಾಣಕಾರಕ ||