ಗುರುನಾಥ ಗಾನಾಮೃತ 

ಧರ್ಮದಿಂದ ಕರ್ಮಮಾಡೋ

ರಚನೆ: ಅಂಬಾಸುತ 

ಧರ್ಮದಿಂದ ಕರ್ಮಮಾಡೋ

ಮರ್ಮ ಅದರೊಳಗಿಹುದೋ

ಫಲವನೀವನು ಭಗವಂತನೂ

ಚಿಂತೆ ನಿನಗಿನ್ನೇತಕೋ ||

ನಾನು ನನ್ನದು ನನಗಾಗೀ

ಎಂಬ ಭಾವವ ತ್ಯಜಿಸೀ

ನೀನಿಟ್ಟ ಹಾಗೇ ನಾನಿರುವೇ

ಕಾಯೋ ಪ್ರಭುವೇ ಎನುತಾ ||

ಹೊತ್ತು ತಂದವನವನೂ

ಹುಲ್ಲು ನೀಡದೆ ಇರನೂ

ಕಲ್ಲಿನೊಳಗೂ ಬೆಳೆಯ ಬೆಳೆದೂ

ತನ್ನ ಮಹಿಮೆಯ ತೋರ್ವನೂ ||

ಸತಿಯು ಸುತರೂ ಒಡವೆ ವಸ್ತ್ರವು

ಕ್ಷಣಿಕ ನೀ ಮರೆಯದಿರೋ

ಕರೆಯು ಬಂದಾ ಕೂಡಲೇ

ನೀ ಮರಳಬೇಕೋ ಅರಿಯೋ ||

ಪಟ್ಟ ಪದವಿ ದಿಟ್ಟತನವದು

ಅವನ ಭಿಕ್ಷೆ ತಿಳಿಯೋ

ಕಟ್ಟಕಡೆಯಲಿ ಚಟ್ಟವೇರಿಸಿ

ಸರ್ವಸಮ ಎನಿಸುವನೋ ||