ಗುರುನಾಥ ಗಾನಾಮೃತ 

ನಿಸ್ಸಂಗಿಯಾಗು ಮನವೇ

ರಚನೆ: ಅಂಬಾಸುತ 

ನಿಸ್ಸಂಗಿಯಾಗು ಮನವೇ

ಸತ್ಸಂಗದಿ ಪರಮಾನಂದವ ಪಡೆದೂ ||

ಬೆಟ್ಟ ಅಡವಿಯ ಹೊಕ್ಕು ಕೂರದೇ

ಜಪಮಾಲೆ ಕಾಷಾಯ ಭೂಷಣ ತೊಡದೇ

ಬಂಧು ಬಾಂಧವರಾ ನಡುವಿದ್ದೂ

ಭೋಗಭಾಗ್ಯದ ವಾಸನೆಗಳಾ ಸುಟ್ಟೂ ||೧||

ಸ್ವಂತವಿರದಾ ಸ್ವತಂತ್ರನಾಗೀ

ಸಾಧು ಸಂತರಾ ಸೇವಕ ನೀನಾಗೀ

ಸಮಚಿತ್ತದಿ ಸತ್ಯಾವ ಹುಡುಕೀ

ಅನಿತ್ಯಾದ ಬಯಕೆಗಳ ಬದಿಗೊತ್ತೀ ||೨||

ಸದ್ಗುರು ಪದ ಪಾದ ಪಿಡಿದೂ

ಸತ್ಚಿಂತನೆ ಇಂದಲಿ ಸಮಯ ಕಳೆದೂ

ಸಾಯುಜ್ಯ ಸಾಮೀಪ್ಯ ಸಾರೋಪ್ಯವೆಂಬಾ

ಪದದೊಳಡಗೀಹಾ ತತ್ವಾವ ಅರಿತೂ ||೩||

ಅಂಬಾಸುತನಾ ಅರಿಕೆ ಇದೂ

ಆದ್ಯಂತ ರಹಿತನೊಳು ಒಂದಾಗೂ

ಘನ ಸಖರಾಯನ ನಂಬೀ

ಜ್ಞಾನ ದೀವಿಗೆಯಾ ಮನದೊಳು ಪೊಂದೀ ||೪||