ಗುರುನಾಥ ಗಾನಾಮೃತ 

ದಿಟ್ಟತನದಿ ಕುಳಿತ ಇವನು ಸಿಗುವುದೇ ಕಷ್ಟ

ರಚನೆ: ಅಂಬಾಸುತ 

ದಿಟ್ಟತನದಿ ಕುಳಿತ ಇವನು ಸಿಗುವುದೇ ಕಷ್ಟ

ಕಷ್ಟವೆನುತ ದೂರ ಸರಿಯೇ ಅದುವೆ ನಿನಗೆ ನಷ್ಟ

ಕಷ್ಟ ನಷ್ಟ ಬದಿಗೊತ್ತೇ ಪೂರೈಸುವ ನಿನ್ನಿಷ್ಟ

ಮರೆಯಬೇಡ ಅವನೊಳು ಇಹುದು ಸಿದ್ದಿ ಅಷ್ಟ ||

ಬಂದು ಬಿಟ್ಟು ಹೋದರೆ ನೀನಾಗುವೆ ಭ್ರಷ್ಟ

ಕಳೆವನವನು ಭವದ ಈ ಬಾಧೆಯಾ ಅನಿಷ್ಟ

ಅವ ತೋರಿದ ದಾರಿ ಪಿಡಿಯೆ ನೀನಾಗುವೆ ಗರಿಷ್ಟ

ಅವನ ಮಾತ ಮೀರಿದರೆ ನೀನೆಂದಿಗೂ ಕನಿಷ್ಟ ||

ಗುರುನಾಥನ ನಾಮವೇ ಎಂದಿಗೂ ಉತ್ಕೃಷ್ಟ

ಅಮೃತಕೆ ಸಮಾನ ಅವನಾ ಉಚ್ಚಿಷ್ಟ

ಗುರುನಾಥನ ಈ ಪದ ಕಳೆವುದೂ ಅರಿಷ್ಟ

ಅಂಬಾಸುತನಾ ಸದ್ಗುರು ದೇವನೆಂಬುದು ಸ್ಪಷ್ಟ ||