ಗುರುನಾಥ ಗಾನಾಮೃತ 

ಭಕುತಿ ಇರಲಿ ಮುಕುತಿಯ ಆಸೆ ನಿನಗೇಕೋ

ರಚನೆ: ಅಂಬಾಸುತ 

ಭಕುತಿ ಇರಲಿ ಮುಕುತಿಯ ಆಸೆ ನಿನಗೇಕೋ

ಸದ್ಗುರು ಸಾಮೀಪ್ಯಕೇ ಸರಿಸಮವಿನ್ನೇನೋ ||ಪ||

ಅನವರತಾ ಗುರು ಸೇವೆಯ ಮಾಡುತಾ

ಅತಿಷಯ ಪ್ರೇಮದೀ ಅವನನೇ ಭಜಿಸುತಾ

ಅಂತರಂಗದೊಳೂ ಅವನ ಮೂರುತಿ ಇಟ್ಟೂ

ಆನಂದ ಆನಂದ ಆನಂದದಿಂದಿರಲೂ ||೧||

ಗುರು ತಾಯಿ ತಂದೆಯೂ ಗುರು ಬಂಧುಬಳಗವೂ

ಗುರು ನಿಜದೈವವೂ ಗುರುವೇ ಸಕಲವೂ

ಗುರು ನೀನೆ ಗತಿ ಎಂದೂ ಶರಣಾಗತನಾಗಲೂ

ಓಡಿ ಬರುವ ಪ್ರೇಮ ಮೂರುತಿ ಇರಲೂ ||೨||

ಸಖರಾಯಪಟ್ಟಣದ ಸದ್ಗುರುನಾಥಾ

ಅಂಬಾಸುತನಾ ನಿಜಪಾಲಕನೀತಾ

ಅನವರತ ಶುಧ್ಧ ಭಕ್ತಿ ಭಾವ ತುಂಬುತಾ

ನಿನ್ನಡಿಯೊಳಗಿರಿಸೋ ಮುಕುತಿಯದೇತಕೋ ||೩||