ಗುರುನಾಥ ಗಾನಾಮೃತ 

ಅಖಿಲಗ್ರಹಬಲನೀನೇ ಸಖರಾಯಪುರೀಶ 

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಅಖಿಲಗ್ರಹಬಲನೀನೇ ಸಖರಾಯಪುರೀಶ 

ಎಲ್ಲರನು ಪೊರೆಯುವ ಗುರುವೇ ಜಗದೀಶ || 

ಗುರುಬಲವು ನೀನು ಶುಕ್ರಕಾಂತಿಯು ನೀನು

ಸೂರ್ಯತೇಜನು ನೀನು ಇಂದುಶೀತಲ ‌ನೀನೇ |

ಮಂಗಳಕರ ನೀನೇ ಬುಧಮತಿಯು ನೀನೇ

ಶನಿಗತಿಯು ನೀನು ಮನದ ಛಾಯೆಯು ನೀನೇ || ೧ ||

ಕರುಣೆಯ ವರ್ಷಿಸುವ ಇಂದ್ರದೇವನು ನೀನು

ಕರ್ಮಗಳ ದಹಿಸುವ ವೈಶ್ವಾನರನು  ನೀನೇ |

ಭವಭೀತಿ ಭಂಜಿಸುವ ಯಮಧರ್ಮನೂ ನೀನು 

ಹೃದಯದಿ ಸಂಚರಿಪ ವಾಯುದೇವನೂ ನೀನೇ || ೨ ||