ಅದೊಂದು ಅದ್ಭುತ ಅನುಭವ, ಆ ಕರುಣಾಮಯನ ಸಕರಾಯಪುರದ ವೇದಿಕೆ ದರ್ಶನ , ಸಾನಿಧ್ಯ, ಅಲ್ಲಿ ಕಾಣ ಸಿಗುವ ಪ್ರಶಾಂತತೆ, ಅವರ್ಣನೀಯ. ಕೈ ಮುಗಿದು ಕೆಲ ಕಾಲ ಅಲ್ಲಿ ಕುಳಿತು ಬಂದರೆ ಧನ್ಯತೆಯ ಭಾವ. ಯಾರೋ ಹೇಳಿದರೆಂದು ಸುಮ್ಮನೆ ಕಾಲಹರಣ ಮಾಡಲು, ಸ್ವಾರ್ಥದ ಆಸೆಗಳ ಹೊರೆ ಹೊತ್ತು ಹೋದವಗೆ ಅಲ್ಲಿ ಇರುವ ಸೊಳ್ಳೆಗಳೇ ಇರಲು ಬಿಡದು. ಧನ್ಯತೆಯ ಭಾವ ಹೊಂದಿ ಮೌನದಲಿ ಬೇಡಿದಾಗ ಸಿಗುವ ಆನಂದವೇ ಬೇರೆ, ವಿಷಯುಕ್ತ ಚೇಳುಗಳೂ ಏನೂ ಮಾಡವು, ಸೂಕ್ಷ್ಮ ಅನುಭವದ ಅವಲೋಕನ ಶಕ್ತಿ ಗುರು ನೀಡಿದ್ದರೆ ಅದರ ಮಾತೇ ಬೇರೆ.
ಒಮ್ಮೆ ಹೀಗೆ ಮೊದಲ ಬಾರಿ ವೇದಿಕೆ ದರ್ಶನಕ್ಕೆ ಹೊರಟಾಗ ಭಯದಿಂದಲೇ ಹೋಗಿದ್ದೆವು, ಅಂದು ಬಾಗಿಲು ತೆಗೆದಿತ್ತು ಅಲ್ಲಿ ವೇದಿಕೆ ಹತ್ತಿರ ಹೋದ ಕೂಡಲೇ ವಿದ್ಯುತ್ ದೀಪ ಬೆಳಗಿದ್ದು ವಿಶಿಷ್ಟ ಅನುಭವ ನೀಡಿತ್ತು. ಗುರುನಾಥರು ವಿಶ್ವ ವ್ಯಾಪಿ ಆಗುವ ಮೊದಲು ಅವರ ಬಳಿ ಹೋಗಲು ಅನೇಕ ಬಾರಿ ಪ್ರಯತ್ನ ಪ್ರಯತ್ನವಾಗಿಯೇ ಉಳಿಯಿತು, ಹಾಗೂ ನಮ್ಮ ಕರ್ಮವೂ ಕಳೆದಿರಲಿಲ್ಲ ಅನ್ನಿಸುತ್ತೆ.
ಒಂದು ಪ್ರಶ್ನೆ ಸದಾ ನನ್ನ ಕಾಡುವುದು ಅಂದರೆ, ಆ ಮಹಾನ್ ಸಂತ ವಿಶ್ವ ವ್ಯಾಪಿ ಆದಮೇಲೆ ನನಗೇಕೆ ಅವರ ಬಗ್ಗೆ ಹೇಳಲಾಗದ ಕುತೂಹಲ ಹಾಗೂ ಭಕ್ತಿ. ಈಗ ಕರ್ಮ ಕಳೆದು ಶುದ್ದನಾದ ಸಂಕೇತವೇ, ಆ ಗುರುವೇ ಬಲ್ಲ. ನನ್ನ ತಂದೆಯವರಿಗೆ ಅವರ ಸಂಪರ್ಕ ಇತ್ತು, ಬಾಣವರದ ವೇದಿಕೆ ಶುದ್ದ ಗೊಳಿಸಿದಾಗ, ಯಾರಾದರೂ ನಿತ್ಯ ಪೂಜೆ ಸಲ್ಲಿಸ ಬೇಕು ಅಂದಾಗ, ಆ ಭಾಗ್ಯ ನನ್ನ ತಂದೆಗೆ ನೀಡಿದ ಮಹಾನ್ ಶಕ್ತಿ ಅವರು. ಅವರ ಅಗಾಧ ಶಕ್ತಿಯ ಅರಿವು ನನ್ನ ತಂದೆಗೂ ಇರಲಿಲ್ಲ ಎಂಬುದು ಆಶ್ಚರ್ಯ. ತುಂಬಾ ತಿಳಿದವರು, ಶುದ್ದಾತ್ಮರು, ಸರಳ ಜೀವಿ ಎಂಬ ಗೌರವ ಭಾವದಿಂದ ತಮ್ಮ ಲೌಕಿಕ ಸಮಸ್ಯೆಗಳಿಗೆ ಪರಿಹಾರ ಹುಡುಕಿ ಹೋಗುತ್ತಿದ್ದರು ,ಹಾಗೆಯೇ ನನ್ನ ತಂಗಿಗೆ ಸಂಬಂಧ ಇಂತ ವ್ಯಕ್ತಿಯ ಮುಖಾಂತರ ಆಗುತ್ತೆ ಅಂತ ಹೇಳಿದ್ದರು, ಅದರಂತೆಯೇ ನಡೆದು ಅವರುಗಳು ಸುಖವಾಗಿ ಇದ್ದಾರೆ.
Poojya gurugalaada venkatachala Avara Divya charanamruta galige nanna poojya namanagalu. Gurugale yellarigu e kantaka dinda mukthi kodi haagu rakshe sadaa doreyali. Sarve jano sukinobavantu.
ReplyDelete