ಭಾವನೆಗಳ ಒಡನಾಟದಿ - ರಚನೆ :ಶ್ರೀ. ಆನಂದ ರಾಮ್, ಶೃಂಗೇರಿ

ಭಾವನೆಗಳ ಒಡನಾಟದಿ ತಕಲಾಟದ ಭಾವಕೆ ಭಕುತಿಯೆಂದೆ

ಮಡಿಯುಟ್ಟು ಜಲದಿ ಮಿಂದೆದ್ದು ಶುದ್ದನಾದನೆಂಬ  ಭಾವದಿ ಮೂರ್ಖನಾದೆ|

ಮರುಳತನದಿ ಮೌನದರಿಸಿ ನಾಮ ಜಪಿಸಿ ನಾನೇ ಬಕುತನೆಂದೆ

ನಾನೂ ನನದೆಂಬ ಭಾವದಿ ಮೈ ಮರೆತು ಸೇವೆಗೈದೆನೆಂದೆ|

ಸ್ವಾರ್ಥದ ಆಸೆ ಹೊತ್ತು ಕೆಲಸ ಕಾರ್ಯ ಮಾಡಿ ದೊಡ್ಡ ಸೇವೆಯೆಂದೆ

ಗುರು ಹಿರಿಯರ ಸೇವೆ ಮಾಡದೆಲೆ ಗುರಿ ಕಾಣದೆ ಕಂಗೆಟ್ಟು ಹೋದೆ|

ಧಾನ ಧರ್ಮ ಮಾಡದೆಲೆ ಮುಖವಾಡ ದರಿಸಿ ಬಲು ಧರ್ಮಿಷ್ಠನೆಂದೆ

ಧೀನ ಅಬಲರ ಕಡೆಗಣಿಸಿ ವ್ಯರ್ಥ ಜೀವನ ನಡೆಸಿ ದೊಡ್ಡವನೆಂದು ಬೀಗಿದೆ|

ನಿನ್ನ ಮಹಿಮೆ ಅರಿಯದಲೇ ನಿನ್ನ ಬಕುತನೆಂದು ನಟಿಸಿ ಬೀಗಿದೆ

ಎನ್ನ ತಪ್ಪಿನರಿವು ಎನಗೆ ಮೂಡಿಸಿ ಸರಿ ದಾರಿ ತೋರಿ ಹರಸೋ ಎಂದೆ|

ಗುರುನಾಥ ಎಂದ ಎನ್ನ ಮನವ ಶುದ್ದಗೊಳಿಸಿ ಹರಸೋ ತಂದೆ

ನಿನ್ನ ಪದಕಮಲ ತೋರಿ ಈ ಪಾಮರನ ಮುನ್ನಡೆಸಿ ದಡ ಸೇರಿಸೋ ಎಂದೆ|