ಏನೆಂದು ಬೇಡಲಿ ನಾನು ಏನೆಂದು ಹಾಡಲಿ ನಾನು ಅರಿಯನೋ
ಎಷ್ಟು ಬೇಡಿದರೂ ಸಾಲದು ಎಷ್ಟು ಹಾಡಿದರು ಸಾಲದು ನಾ ದಣಿಯನೋ|
ನಿನ್ನ ಕಾಣದಾ ಕಣ್ಣು ನೊಂದಿತೋ ನಿನ್ನ ನುಡಿಯ ಕೇಳದೇ ಈ ಮನವು ಸೋತಿತೋ
ನಿನ್ನ ಪಾದಸೇವೆ ಮಾಡದೆ ಈ ಕೈಗಳು ಬಲು ಮರುಗಿತೋ ಗುರುವೇ|
ಏನು ಬೇಡಲಿ ನಾನು ಈ ಲೌಕಿಕ ವ್ಯಾಪಾರದ ನಡುವೆ ನಿಂತ ಪಾಮರನೋ
ಬದುಕಿನ ಸತ್ಯವ ಅರಿಯದೇ ಬದುಕು ಸವೆಸಿ ಸಂತೆಯೊಳು ಒಬ್ಬನಾದೆನೋ|
ಬೇಡದ ಭಾವನೆಗಳ ಒಡನಾಟ ನಡೆಸುತ ವ್ಯರ್ಥ ಸಮಯ ಕಳೆದೆನೋ
ಹಗಲುಗನಸಿನ ಸೌಧದೊಳು ಮನವನಿಟ್ಟು ನಿನ್ನ ನೆನೆವವನಂತೆ ತೋರಿದೆನೋ|
ಎನ್ನ ಅಂತರಂಗ ಶುದ್ದ ಮಾಡೋ ಗುರುವೇ ಈ ನಿನ್ನ ಲೀಲೆಯ ಅರಿಯೆನೋ
ಬಲು ಪಾಪಿ ನಾನು ನಿನ್ನ ಕಣ್ಣ ತಪ್ಪಿಸಿ ಎಲ್ಲೂ ಓಡಲಾರದೆ ಸೋತಿಹೆನೋ|
Poojya gurugalaada venkatachala Avara paadagalige nanna saashtaanga pranaamagalu. Swamy Yellaranu Harasi asheervadisi Kaapadi sakaraayapurada e. Sarve jano sukinobavantu.
ReplyDelete