ನಾನು ಬೇಡಿದನೆಂದು ಎನ್ನ ಕರುಣಿಸ ಬೇಡ ಗುರುವೇ - ರಚನೆ :ಶ್ರೀ. ಆನಂದ ರಾಮ್, ಶೃಂಗೇರಿ

ನಾನು ಬೇಡಿದನೆಂದು ಎನ್ನ ಕರುಣಿಸ ಬೇಡ ಗುರುವೇ

ಎನ್ನ ಬಕುತಿಯು ನಿಜವಾದರೆ ನೀ ಎನ್ನ ದೂರ ಮಾಡದಿರು ಗುರುವೇ|

ಕಂಠ ಉಬ್ಬಿ ಬರಿವುದು  ನಿನ್ನ ನಾಮವನು ನೆನೆವಾಗ

ಹೃದಯ ಹಗುರವಾಗುವುದು ನಿನ್ನ ನಾಮ ಪಾಡುವಾಗ ದೊರೆಯೇ|

ಎಲ್ಲರೊಡಗೂಡಿ ಬಲು ಮುದದಿ ನಿನ್ನ ಚರಿತೆಯ ಹಾಡುವೆನು ನಾನು

ನೀ ಎಲ್ಲರನೂ ಕರುಣದಿ ಹರಸುವಾಗ ಒಮ್ಮೆ ನೋಡು  ನನ್ನನು|

ಕಿಂಚಿತ್ತು ನೆನೆದರೂ ನಾನು ಪಡೆವೆನು ದಿನದ ಕೂಳು ಗುರುವೇ 

ನಿರಂತರ ನೆನೆದರೆ ದೊರೆಯುವುದು ಆತ್ಮಕೆ ಬಲು ಆನಂದವು ದೊರೆಯೇ|

ನನ್ನನೇ ಅರ್ಪಿಸುವೆನೆಂದು ಹೇಳಲು ಬಲು ಭಯವು ಗುರುವೇ

ನಾ ಬಲ್ಲೆನು ನನ್ನ ಮನವನು ಅದು ಬಲು ದುರ್ಭಲವು ದೊರೆಯೇ|