ಗುರುನಾಥ ಸ್ತೋತ್ರ  ಕುಸುಮಾಂಜಲಿ 

ಸದ್ಗುರುಕೃಪಯಾ ಏವ

ಅಲ್ಪೋಪಿ ಯಾತಿ ಉನ್ನತಿಂ |

ಶಿಲಾಪಿ ಯಾತಿ ದೈವತ್ವಂ

ಪೂಜಕಾನಾಂ ಪ್ರಭಾವೇಣ ||

ಹೇಗೆ ಪೂಜೆ ಮಾಡುವವರ ಭಕ್ತಿಯ ಕಾರಣದಿಂದ ಕಲ್ಲೂ ಸಹ ದೈವತ್ವವನ್ನು ಪಡೆದು ಕಳಾಪೂರ್ಣವಾಗುವುದೋ ಹಾಗೆಯೇ ಸದ್ಗುರುವಿನ ಸೇವೆ ಮಾಡುವುದರಿಂದ ಅವನ ಕರುಣೆಯನ್ನು ಪಡೆದು ಅಲ್ಪನೂ ಸಹ ಆಧ್ಯಾತ್ಮಿಕವಾಗಿ ಉನ್ನತಿಯನ್ನು ಪಡೆಯುತ್ತಾನೆ...ಪಡೆದು ಧನ್ಯನಾಗುತ್ತಾನೆ...

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು

ಗುರುನಾಥ ಗಾನಾಮೃತ 

ಇದು ಭಾಗ್ಯ ಇದು ಭಾಗ್ಯಾ ಇದು ಭಾಗ್ಯವೋ

ರಚನೆ: ಅಂಬಾಸುತ 

ಇದು ಭಾಗ್ಯ ಇದು ಭಾಗ್ಯಾ ಇದು ಭಾಗ್ಯವೋ

ಸದ್ಗುರುನಾಥನಾ ಸೇವೇ ನಿಜ ಭಾಗ್ಯವೋ ||ಪ||

ಸುಲಭಕ್ಕೆ ದೊರೆಯುವುದಿಲ್ಲಾ

ಅತೀ ಸರಳ ಸೇವೆಯಲ್ಲಾ

ಜನುಮಾಂತರದ ಪುಣ್ಯದ ಹೊರೆ ಹೊತ್ತರಿಲ್ಲಾ

ಗುರುಕಾರುಣ್ಯವೇ ಇದಕೆಲ್ಲಾ ಕಾರಣವಯ್ಯಾ

ಗುರು ನೆನೆಯಯ್ಯಾ ಸದ್ಗುರು ಪರಶಿವನಯ್ಯಾ ||೧||

ಹಣದಡಿಯೊಳಗಿದು ಇಲ್ಲಾ

ಬೇಡಾ ಎಂದವನೇ ಮೂಢಾ

ಭಾವುಕಾ ಭಕುತರಿಗೆ ಗುರು ನೀಡಿದಾ ವರಾ

ಗುರು ಅಂತಃಕರಣ ಹೆತ್ತ ತಾಯಿಗೂ ಮಿಗಿಲಯ್ಯಾ

ಗುರು ನಂಬಿರಯ್ಯಾ ಸದ್ಗುರುವೇ ಶಕ್ತಿಯಯ್ಯಾ ||೨||

ನಾನೆಂಬುವವನಿಗೆ ದೂರಾ

ಗತಿ ನೀನೇ ಎಂಬುದೆ ಸಾರಾ

ಸಖರಾಯಪುರವಾಸನಾ ಮಹಿಮೆ ಅಪಾರಾ

ಅಂಬಾಸುತನಾ ಸದ್ಗುರು ಇವನಯ್ಯಾ

ಇವಗಿಂತ ಮಹಿಮನಾ ಭುವಿಯೊಳೆಲ್ಲೂ ಕಾಣೆನಯ್ಯಾ ||೩||

ಗುರುನಾಥ ಗಾನಾಮೃತ 

ಕಂಡೆ ನಾನೂ ಕಂಡೆ ನಾನೂ

ರಚನೆ: ಅಂಬಾಸುತ 

ಕಂಡೆ ನಾನೂ ಕಂಡೆ ನಾನೂ

ಬೃಂದಾವನದಿ ನೆಲೆಸಿದವನಾ

ಕಂಡೆ ನಾನೂ ಕಂಡೆ ನಾನೂ

ಯೋಗಿವರ್ಯ ಗುರುನಾಥನಾ ||ಪ||

ಭಾವುಕತೆಯಾ ಭಕ್ತಿಯೊಳಗೇ

ಮೌನದಾ ಪಿಸುಮಾತಿನೊಳಗೇ

ಸಂತರಾ ಹೃದಯ ಮಂದಿರದೊಳಗೇ

ತನ್ನತನವಾ ಬಿಟ್ಟವರೊಳಗೇ ||೧||

ಅನ್ನದೊಳಗೆ ಅಗ್ನಿಯೊಳಗೇ

ಏಕಮನದ ಕಾಯಕದೊಳಗೇ

ವೇದದೊಳಗೆ ವಾದ್ಯದೊಳಗೇ

ವಿನಯ ತುಂಬಿದ ವಿದ್ಯೆಯೊಳಗೇ ||೨||

ಭಜನೆಯೊಳಗೇ ಭಜಿಸುವವರೊಳಗೇ

ಬೋಧರೂಪ ನೋಟದೊಳಗೇ

ನೋವಿನೊಳಗೇ ನಲಿವಿನೊಳಗೇ

ನನ್ನೊಳಗೇ ನನ್ನಾ ಒಳಗೇ ||೩||

ನಿಜಾನಂದದೊಳಗೇ

ನಿಗಮಾಗಮಗಳಾ ಮಾತಿನೊಳಗೇ

ಅಂಬಾಸುತನಾ ಪದಗಳೊಳಗೇ

ಅತಿಷಯ ಮಾತೃ ಪ್ರೇಮದೊಳಗೇ ||೪||

ಗುರುನಾಥ ಸ್ತೋತ್ರ  ಕುಸುಮಾಂಜಲಿ 

ಸ ಭವತಿ ಸನಾಥೋತ್ರ

ಗುರುರ್ಯತ್ರ ಚ ರಕ್ಷಕಃ |

ಸ ಜಾಯತೇ ಅನಾಥೋ ಹಿ

ವಿಸ್ಮರತಿ ಚ ಯೋ ಗುರುಮ್ ||

ಯಾರಿಗೆ ಗುರುವು ರಕ್ಷಕನಾಗಿರುವನೋ ಅವನು ಸನಾಥನಾಗಿರುತ್ತಾನೆ...ಯಾರು ಸದ್ಗುರುವನ್ನು ಮರೆಯುತ್ತಾನೋ ಅವನು ಈ ಪ್ರಪಂಚದಲ್ಲಿ ಅನಾಥನಾಗುತ್ತಾನೆ...

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು

ಗುರುನಾಥ ಗಾನಾಮೃತ 

ಸುಮ್ಮನೆ ದೊರಕುವಂತವನೇ ಸದ್ಗುರುವು

ರಚನೆ: ಶ್ರೀಮತಿ.ಶೈಲಜಾ ಕುಮಾರ್

ಸುಮ್ಮನೆ ದೊರಕುವಂತವನೇ ಸದ್ಗುರುವು

ಸುಮ್ಮನೆ ಸಿಗುವಂತವನೇ || ಪ ।।

ನಾನೆಂಬ ಅಹಂ ಅಳಿದವಗೆ

ಸೋಹಂ ಎಂದೆನುವಗೆ

ಕಣಕಣವೂ ಅವನೇ ತುಂಬಿರುವಗೆ

ದೀನನಾಗಿ ಶರಣಾಗಿರುವಗೆ ।। ೧ ।।

ಹೃದ್ದೀಪದಿ ಶುದ್ಧಾತ್ಮವ ಬೆಳಗಿಸುವಗೆ

ಅಂತರಂಗವು ನಿರ್ಮಲವಾಗಿರುವಗೆ

ತ್ರಿಕರಣ ಶುದ್ಧಚರಿತನವಗೆ

ಸಂಸಾರದಿ ಅಸಂಗಿಯಾಗಿರುವಗೆ ।। ೨ ।।

ಎಲ್ಲರಲೂ ಸಮತ್ವವಿರುವಗೆ

ಸಾಧನೆಯ ದಾರಿಲಿ ನಡೆಯುವಗೆ

ನಾಮಸ್ಮರಣೆಯ ಭಕ್ತಿಯಿಂ ಮಾಡುವಗೆ

ಕರ್ತೃತ್ವಭಾವ ನಶಿಸುವವಗೆ ।। ೩ ।।

ಗುರುನಾಥ ಗಾನಾಮೃತ 

ದೂಡದಿರು ಗುರುವೇ ಭವದೊಳಗೆ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್

ದೂಡದಿರು ಗುರುವೇ ಭವದೊಳಗೆ

ಸಿಲುಕಿಸದಿರು ಸದ್ಗುರುವೇ ಮೋಹದೊಳಗೆ   || ಪ ।। 

 ಬಂಧಿಸದಿರು ಪಾಶದೊಳಲಿ

ಮೆರೆಸದಿರು ನಶ್ವರ ಸಂಪತ್ತಿನಲಿ

ಮುಳುಗಿಸದಿರು ಕ್ಷಣಿಕ ಸುಖದಲಿ  ।। ೧ ।।

 ಮೂಕನಾಗಿಸು ಕೃತಕತೆಯಲಿ

ಅಂಧನಾಗಿಸು ಬಣ್ಣದ ಲೋಕದಲಿ

ಬಧಿರನಾಗಿಸು ಮಿಥ್ಯಾಸ್ತುತಿಯಲಿ ।। ೨ ।।

ಲೀನಗೊಳಿಸೆಮ್ಮ  ನಿನ್ನ ಧ್ಯಾನದಲೀ

ನೆಲೆಸು ನೀ ನಮ್ಮ ಚಿತ್ತೇಕಾಗ್ರದಲಿ

ಮಾರ್ಗಬಂಧುವಾಗು ಮೋಕ್ಷದ ದಾರಿಯಲಿ ।। ೩ ।।

ಗುರುನಾಥ ಸ್ತೋತ್ರ  ಕುಸುಮಾಂಜಲಿ 

ಚಂಚಲತಾ ಮನಸಸ್ತು

ಅರಿರೇವೋ ಹಿ ಜಾಯತೇ |

ದೃಢಚಿತ್ತಸ್ಯ ಸದ್ಗುರುಃ

ಮಾರ್ಗಬಂಧುರ್ಹಿ ಜಾಯತೇ ||

ಚಂಚಲತೆಯೇ ಮನಕೆ ಅರಿಯಾಗುವುದು. ದೃಢಮನಕೆ ಗುರುವೇ ಅರಿವಾಗುವನು. ಮನಸ್ಸಿ‌ನ ಚಂಚಲತ್ವವೇ ಜ್ಣಾನಪ್ರಾಪ್ತಿಗೆ ಶತೃವಾಗುವುದು...ದೃಢಮನಸ್ಕನಾದ ಸಾಧಕನಿಗೆ ಸದ್ಗುರುವೇ ಆತ್ಮಜ್ಞಾನವೆಂಬ  ಅರಿವನ್ನು ದಯಪಾಲಿಸುವನು...

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು

ಗುರುನಾಥ ಸ್ತೋತ್ರ  ಕುಸುಮಾಂಜಲಿ 

ಸಾಮಾನ್ಯೋ ಯತ್ಪ್ರಸಾದೇನ
ಪ್ರಾಪ್ನೋತಿ ಸಮಾಧಿಸ್ಥಿತಿಂ |
ಸಾಕ್ಷಾತ್ಕಾರಂ ದರ್ಶಯಂತಂ
ಸದ್ಗುರುಂ ಮನಸಾ ವಂದೇ ||

ಯಾವ ಸದ್ಗುರುವಿನ ಅನುಗ್ರಹದಿಂದ ಸಾಮಾನ್ಯ ಮಾನವನೂ ಕೂಡ ಸಮಾಧಿಸ್ಥಿತಿಯನ್ನು ತಲುಪಿ...ನಂತರ ಬ್ರಹ್ಮ ಸಾಕ್ಷಾತ್ಕಾರದ ಅರಿವು ಉಂಟಾಗುತ್ತದೆಯೋ,  ಅಂತಹ ಸದ್ಗುರುವಿಗೆ ಮನಃಪೂರ್ವಕವಾಗಿ ನಮಿಸುತ್ತೇನೆ.

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು

ಗುರುನಾಥ ಗಾನಾಮೃತ 

ಎಂದು ಕಾಣುವೆನೋ ಆ ನಿನ್ನ ಭವ್ಯವದನ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್

ಎಂದು ಕಾಣುವೆನೋ ಆ ನಿನ್ನ ಭವ್ಯವದನ

ಎಂದು ಕೇಳುವೆನೋ ಆ ನಿನ್ನ  ದಿವ್ಯವಚನ ||

ಸಹಸ್ರಸೂರ್ಯರ ಪ್ರಕಾಶವಿವನ ನಯನ

ನಿಷ್ಕಲ್ಮಷ ನಗುಮೊಗದ ಆನಂದಸದನ

ಮಾರ್ಗಬಂಧುವಿನ ಅಮೋಘ ದರ್ಶನ

ಪ್ರಭೋ ನಿನಗಿದು ಕೋಟಿನಮನ || ೧ ||

ಅಮೃತಧಾರೆಯಿವನ ತತ್ತ್ವಗಳ ಶ್ರವಣ

ದೂರಮಾಡುವನು ಮೋಹದ ಬಂಧನ

ಭಜಿಸಿದರೆ ಇವನನು ಅನುದಿನ

ನಿಶ್ಚಯದಿ ಆಗುವುದು ಜನ್ಮಪಾವನ || ೨ ||

ಗುರುನಾಥ ಗಾನಾಮೃತ 

ಮನದೊಳು ಬಚ್ಚಿಟ್ಟೂಕೊಳಬೇಕು ಈ ಪಾದವಾ

ರಚನೆ: ಅಂಬಾಸುತ 

ಮನದೊಳು ಬಚ್ಚಿಟ್ಟೂಕೊಳಬೇಕು ಈ ಪಾದವಾ

ಮೌನದಲೇ ನೆನೆದಿರಬೇಕು ಗುರುಪಾದವಾ ||ಅ||

ಅಭಿಮಾನವಿಲ್ಲದಾ ಆಡಂಬರವಿಲ್ಲದಾ

ಶುದ್ದಮಾನಸಾ ಪೂಜಾವಿಧಿಯಲೀ

ಸಾತ್ವಿಕ ಗುಣಕುಸುಮದಾ ಮಾಲಿಕೆಯೊಡಗೂಡೀ

ಅರ್ಚಿಸಿ ನಿಜ ಆನಂದವ ಪಡೆಯಲೂ ||೧||

ಮಾನಸ ಮಂದಿರದೀ ಬಲುಪ್ರೇಮದಿಂದಲೀ

ಅಹಂಕಾರಾದಿಗಳಾ ಸುಟ್ಟು ದೂರ ಮಾಡುತಲೀ

ತಂದೆ ನೀ ಸುತ ನಾ ಎಂಬ ಶುದ್ದಭಾವದಲೀ

ಸಾಧನೆಯಾ ಮಾರ್ಗವಾ ತೋರೋ ಎನ್ನಲೂ ||೨||

ಮೆಚ್ಚುಗೆ ಬಯಸದಾ ಹೆಚ್ಚಿನ ದ್ರವ್ಯವಿರದಾ

ಅನುಭವಾಮೃತವ ಅಂತರಂಗದೀ ಸ್ಪುರಿಸುವಾ 

ಸಖರಾಯಪುರವಾಸೀ ಸದ್ಗುರುನಾಥನಾ

ಅಂಬಾಸುತನಾ ಸದ್ಗುರುಪಾದವಾ ||೩||

ಗುರುನಾಥ ಗಾನಾಮೃತ 

ಜಯ ಮಂಗಳಂ ಗುರುವರಾ

ರಚನೆ: ಅಂಬಾಸುತ 

ಜಯ ಮಂಗಳಂ ಗುರುವರಾ

ಶುಭ ಮಂಗಳಂ ಶುಭಕರಾ ||

ಭಾವುಕ ಭಕ್ತರ ಹೃನ್ಮಂದಿರ ನಿವಾಸಾ

ಭಾಷೆಗೆ ನಿಲುಕದಾ ಭಾವಾವೇಷಾ

ಧರೆಯನ್ನುದ್ಧರಿಸೇ ಬಂದಿಹನೀ ಈಶಾ

ಮೂಢರ ಮೂಢತೆಯಾ ಕಳೆಯಲು ಈ ವೇಶಾ ||

ಅರಿತು ಅರಿಯಲು ಸಾಧ್ಯವೇ ಇವನಾ ಮಹಿಮೇ

ಸಾಧನೆಯೊಳಗಡಗಿಹನೂ ಅದೇ ಈತನ ಗರಿಮೇ

ಇದ್ದೂ ಇಲ್ಲದಂತೇ ಇರುವುದೇ ಇವನಾ ಹಿರಿಮೇ

ಸದ್ದಿಲ್ಲದೆ ಸದ್ಭಾವವ ತುಂಬುವ ಮನದೊಳಗೇ ||

ಧನಕನಕವ ದೂರಿರಿಸೀ ನಿಂತಾ ಈ ಸಂತಾ

ಸಾತ್ವಿಕ ಹೃದಯವೇ ಎಂದೂ ಇವನಿಗೆ ಸ್ವಂತಾ

ಆತ್ಮಾರಾಮನ ಆರಾಧಿಪನೂ ಅನವರತಾ

ಅಗಣಿತಗುಣ ಮಹಿಮಾ ಅವಧೂತನೀತಾ ||