ಗುರುನಾಥ ಗಾನಾಮೃತ 

ಸ್ವಸ್ವರೂಪದ ದರ್ಶನ ನೀಡಯ್ಯಾ ಗುರುವೇ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್ 

ಸ್ವಸ್ವರೂಪದ ದರ್ಶನ ನೀಡಯ್ಯಾ ಗುರುವೇ

ನಿಜಾನಂದದಿ ನಲಿವ ಭಾಗ್ಯವ ‌ನೀಡಯ್ಯಾ ಗುರುವೇ ।। ಪ ।।

ಸ್ವಾಮಿ ಸಮರ್ಥರು ಶ್ರೀಧರಗೆ ದರ್ಶನ ಕೊಟ್ಟಂತೆ

ಸುಮತಿಗೆ ದರ್ಶನ ಕೊಟ್ಟ ಗುರುದತ್ತನಂತೆ 

ಅರ್ಜುನಗೆ ಶ್ರೀಕೃಷ್ಣ ವಿಶ್ವರೂಪವ ತೋರಿಸಿದಂತೆ

ಅಹಲ್ಯೆಗೆ ಶ್ರೀರಾಮ ಶಾಪದಿಂ ಉದ್ಧರಿಸಿದಂತೆ ।। ೧ ।।

ತನ್ನ ಬಾಯಲ್ಲಿ ಜಗವನ್ನೇ ತೋರಿದ ಕೃಷ್ಣನಂತೆ

ಗಜೇಂದ್ರನ ಮೋಕ್ಷಕಾಗಿ ಧರೆಗಿಳಿದು ದರ್ಶನವಿತ್ತಂತೆ 

ಕುರುನಗರಿಯಲಿ ವಿದುರನ ಮನೆಗೆ ಬಂದಂತೆ

ನಿನ್ನನೇ ನಂಬಿಹ ಭಕ್ತರನು ಉದ್ಧರಿಸು ಗುರುವೇ ।। ೨ ।।