ಗುರುನಾಥ ಗಾನಾಮೃತ 

ಸುಮ್ಮನೆ ದೊರಕುವಂತವನೇ ಸದ್ಗುರುವು

ರಚನೆ: ಶ್ರೀಮತಿ.ಶೈಲಜಾ ಕುಮಾರ್

ಸುಮ್ಮನೆ ದೊರಕುವಂತವನೇ ಸದ್ಗುರುವು

ಸುಮ್ಮನೆ ಸಿಗುವಂತವನೇ || ಪ ।।

ನಾನೆಂಬ ಅಹಂ ಅಳಿದವಗೆ

ಸೋಹಂ ಎಂದೆನುವಗೆ

ಕಣಕಣವೂ ಅವನೇ ತುಂಬಿರುವಗೆ

ದೀನನಾಗಿ ಶರಣಾಗಿರುವಗೆ ।। ೧ ।।

ಹೃದ್ದೀಪದಿ ಶುದ್ಧಾತ್ಮವ ಬೆಳಗಿಸುವಗೆ

ಅಂತರಂಗವು ನಿರ್ಮಲವಾಗಿರುವಗೆ

ತ್ರಿಕರಣ ಶುದ್ಧಚರಿತನವಗೆ

ಸಂಸಾರದಿ ಅಸಂಗಿಯಾಗಿರುವಗೆ ।। ೨ ।।

ಎಲ್ಲರಲೂ ಸಮತ್ವವಿರುವಗೆ

ಸಾಧನೆಯ ದಾರಿಲಿ ನಡೆಯುವಗೆ

ನಾಮಸ್ಮರಣೆಯ ಭಕ್ತಿಯಿಂ ಮಾಡುವಗೆ

ಕರ್ತೃತ್ವಭಾವ ನಶಿಸುವವಗೆ ।। ೩ ।।