ಗುರುನಾಥ ಗಾನಾಮೃತ 

ದೂಡದಿರು ಗುರುವೇ ಭವದೊಳಗೆ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್

ದೂಡದಿರು ಗುರುವೇ ಭವದೊಳಗೆ

ಸಿಲುಕಿಸದಿರು ಸದ್ಗುರುವೇ ಮೋಹದೊಳಗೆ   || ಪ ।। 

 ಬಂಧಿಸದಿರು ಪಾಶದೊಳಲಿ

ಮೆರೆಸದಿರು ನಶ್ವರ ಸಂಪತ್ತಿನಲಿ

ಮುಳುಗಿಸದಿರು ಕ್ಷಣಿಕ ಸುಖದಲಿ  ।। ೧ ।।

 ಮೂಕನಾಗಿಸು ಕೃತಕತೆಯಲಿ

ಅಂಧನಾಗಿಸು ಬಣ್ಣದ ಲೋಕದಲಿ

ಬಧಿರನಾಗಿಸು ಮಿಥ್ಯಾಸ್ತುತಿಯಲಿ ।। ೨ ।।

ಲೀನಗೊಳಿಸೆಮ್ಮ  ನಿನ್ನ ಧ್ಯಾನದಲೀ

ನೆಲೆಸು ನೀ ನಮ್ಮ ಚಿತ್ತೇಕಾಗ್ರದಲಿ

ಮಾರ್ಗಬಂಧುವಾಗು ಮೋಕ್ಷದ ದಾರಿಯಲಿ ।। ೩ ।।