ಗುರುನಾಥ ಗಾನಾಮೃತ 

ನವವಿಧ ಭಕ್ತಿಯೆಂಬಾ 

ರಚನೆ: ಅಂಬಾಸುತ 

ನವವಿಧ ಭಕ್ತಿಯೆಂಬಾ 

ಬಣ್ಣ ತಂದು ಗುರುವಿನೊಡನೇ

ಹೋಳಿಯಾಡೋಣಾ

ಸದ್ಗುರುವಾ ನೆನೆಯೋಣಾ ||ಪ||

ಕಾಮನ ದಹಿಸಿದ ಪರಮೇಶ್ವರ ನೀ

ಕಳೆಯೋ ಕಾಮ ಕ್ರೋಧವ  ಎನುತಾ

ಹೋಳಿಯಾಡೋಣಾ ಸದ್ಗುರುವಾ ನೆನೆಯೋಣಾ ||೧||

ಕಾಮನ ಪಿತ ಶ್ರೀಕೃಷ್ಣಾ ನೀನೇ

ಕಾಯಾ ವಾಚಾ ಮನಸಾ ನಮಿಪೆ ಎನುತಾ 

ಹೋಳಿಯಾಡೋಣಾ ಸದ್ಗುರುವಾ ನೆನೆಯೋಣಾ ||೨||

ಬಣ್ಣ ಕೆಡಿಸುವವನು ನೀ ಹೊಂಬಣ್ಣ ನೀಡುವನು ನೀನೇ

ಭವದ ಬಂಧ ಹರಿಸೋ ಎನುತಾ

ಹೋಳಿಯಾಡೋಣಾ ಸದ್ಗುರುವಾ ನೆನೆಯೋಣಾ ||೩||

ಸಖರಾಯಪಟ್ಟಣದ ಅವಧೂತ ಗುರುನಾಥ

ಅಂಬಾಸುತನ ಅಂತರಂಗವಾಸ ನೀನೆನುತಾ

ಹೋಳಿಯಾಡೋಣಾ ಸದ್ಗುರುವಾ ನೆನೆಯೋಣಾ ||೪||