ಗುರುನಾಥ ಗಾನಾಮೃತ 

ಏನೆಂದು ಪೂಜಿಸಲಿ ನಾ ನಿನ್ನ ಗುರುನಾಥ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಏನೆಂದು ಪೂಜಿಸಲಿ ನಾ ನಿನ್ನ ಗುರುನಾಥ

ಏನೆಂದು ಭಜಿಸಲಿ ನಾ ನಿನ್ನ ||

ದೇಹವು ನೀನೇ ಪ್ರಾಣವೂ ನೀನೇ

ಮೌನವೂ ನೀನೇ ಮಾತೂ ನೀ‌ನೇ |

ಕಾಣದೆ ನಿನ್ನ ದಣಿದಿಹೆನಯ್ಯಾ 

ಪಾರುಮಾಡೆನ್ನ 

ಕಾರುಣ್ಯಸಿಂಧುವೇ || ೧ ||

ಚಿತ್ತವೂ ನೀನೇ ಚೇತನನೂ ನೀನೇ

ಮತಿಯೂ ನೀನೇ ಗತಿಯೂ ನೀನೇ |

ಅರಿವು ಕಾಣದೇ ಕೊರಗಿಹೆನಯ್ಯಾ

ದಾರಿತೋರೆಯಾ ಮಾರ್ಗಬಂಧುವೇ || ೨ ||

ಕಾಂತಿಯು ನೀನೇ ಶಾಂತಿಯು ನೀ‌ನೇ

ಅಣುವೂ ನೀನೇ ಮಹಿಮನೂ ನೀನೇ !

ದೇಹಭಾವದಿ ಬಳಲಿಹೆನಯ್ಯಾ 

ಆತ್ಮದರ್ಶನವ ಮಾಡಿಸು ನನ್ನಾತ್ಮಬಂಧುವೇ || ೩ ||