ಗುರುನಾಥ ಗಾನಾಮೃತ 

ಏನೆಂದು ಬೇಡಲಯ್ಯಾ ಸದ್ಗುರುನಾಥ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಏನೆಂದು ಬೇಡಲಯ್ಯಾ ಸದ್ಗುರುನಾಥ

ಏನೆಲ್ಲಾ ಬೇಡಲಯ್ಯಾ !

ನನಗರಿಯದೆ ಪೊರೆಯುತಿಹೆ ನೀನು

ನಾ ಬೇಡದೆ ಕೊಡುತಿರುವೆ ನೀನು !

ಯೋಗ್ಯವಾದದೆ ನೀಡುತಿಹೆ ನೀನು 

ಬೇಡಲಿನ್ನೇನು ಉಳಿಸಿಹೆ ನೀನು !! ೧ !!

ನೀ ಜೊತೆಗಿರೆ ಮರೆಯಾಗುವುದು ನೋವು

ನೀ ಒಲಿದರೆ ಬರುವುದು ಗೆಲುವು !

ನಿನ್ನ ಕೃಪೆಯಿರೆ ಕಳೆವುದು ಕರ್ಮ

ನಿನ್ನ ದಯೆಯಿರೆ ಉಳಿವುದು ಧರ್ಮ !! ೨ !!

ಕಷ್ಟದಲಿದ್ದಾಗ ನೀನೇ ಬಂದು ಸಲಹಿದೆ 

ಪ್ರೇಮಾಮೃತವ ಹರಿಸಿ ಉದ್ಧರಿಸಿದೆ !

ಮೇರೆ ಮೀರಿದೆ ಧನ್ಯತೆಯ ಭಾವಸಿಂಚನ

ಪಾದದಿ ಶರಣಾಗತಿಯೊಂದೇ 

ಜನ್ಮಪಾವ‌ನ !! ೩ !!

ಭಕ್ತಿಮಾರ್ಗದಿ ನೆಡೆಸುವೆ ನೀನು

ಜ್ಞಾನದೀವಿಗೆಯ ಹಚ್ಚಿಹೆ ನೀನು !

ಸಮತ್ವಭಾವವ ಕಲಿಸಿಹೆ ನೀನು

ಕೊಡುಗೈ ದಾತಾರನಾಗಿಹೆ ನೀನು !! ೪ !!