ಗುರುನಾಥ ಗಾನಾಮೃತ 

ನಾನೇನ ಮಾಡಲಯ್ಯಾ

ರಚನೆ: ಅಂಬಾಸುತ 

ನಾನೇನ ಮಾಡಲಯ್ಯಾ

ಜ್ಞಾನವಿರದ ಅತಿ ಹೀನ ಮಾನವ ನಾನು ||

ಉದಯದೊಳೇಳಲಿಲ್ಲಾ

ಕಣ್ತೆರೆದು ನಿನ್ನ ನೋಡಲಿಲ್ಲಾ

ನಿತ್ಯ ಅನುಷ್ಠಾನವ ಎನ್ನ ಕರ್ಮ ಎಂದೆನಲ್ಲಾ

ಮರ್ಮವ ತಿಳಿಯದೇ ಮೂಢನಾದೆನಲ್ಲಾ ||

ಹೆತ್ತವರ ಸೇವಿಸಲಿಲ್ಲಾ

ಗುರುಹಿರಿಯರ ಮಾತು ಕೇಳಲಿಲ್ಲಾ

ವಿದ್ಯೆ ನೈವೇದ್ಯವು ಬುದ್ದಿ ಅತಿ ಮಂದವು

ಗೊಡ್ಡು ಎಮ್ಮೆಯಂತಾದೆನಲ್ಲಾ ||

ಪುಸ್ತಕ ಹಿಡಿಯಲಿಲ್ಲಾ

ಮಸ್ತಕದೊಳು ಒಳಿತೆಂಬುದೇ ಇಲ್ಲಾ

ಸತ್ಯಕೆ ಶತ್ರುವಾದೆ ದುರುಳರ ಮಿತ್ರನಾದೆ

ಅಸುರನಂತಾದೆನಲ್ಲಾ ||

ಕಾಮಕಾಂಚಾಣ ಬಯಸಿದೆ

ಕ್ರೋಧದಿ ಕತ್ತಿ ಹಿಡಿದಿಹೆ

ನಿಜಕುಲಕೇ ನಾ ಕಂಟಕನಾದೇ

ಇದಕೆಲ್ಲ ಕಾರಣ ನೀನೆಂದೇ ||

ಪುಟ್ಟಿಸಿದವ ನೀನೂ

ಎನ್ನ ತಪ್ಪಿಗೆ ಕಾರಣವು ನೀನೂ

ಒಪ್ಪವಾಗಿರಿಸದೆ ಹೀಗೇಕೆ ಎನ್ನ ಮಾಡಿದೆ

ಉತ್ತರಿಸೊ ಗುರುನಾಥಾ ||