ಗುರುನಾಥ ಗಾನಾಮೃತ 

ನನ್ನತನವ ಸುಡುವ ಅಗ್ನಿ

ರಚನೆ: ಅಂಬಾಸುತ 

ನನ್ನತನವ ಸುಡುವ ಅಗ್ನಿ

ನಿನ್ನ ಚರಣದಲ್ಲಿಹುದು

ನಿನ್ನ ಚರಣ ಸೇರೋ ಬಯಕೆ

ಎನ್ನ ಮನದಲ್ಲಿಹುದು ||ಪ||

ನನ್ನತನವ ಬೆಳೆಸಿಕೊಂಡು

ನಾನೇ ಕುಗ್ಗಿ ಹೋಗಿಹೆನೂ

ನಿನ್ನ ಚರಣ ಕಾಣದೇ

ಬಳಲಿ ಬೆಂಡಾಗಿಹೆನೂ ||೧||

ಯತ್ನಪಟ್ಟು ಸೋತು ನಿಂತೆ

ನಿನ್ನಡಿಯಾ ಕಾಣಲೂ

ಅರಿಯದಾದೆ ನೀ ಕರವಾ

ಪಿಡಿಯದೆ ಅದು ಆಗದೆಂದು ||೨||

ಅದರಿದೇ ಒದರಿದೇ

ನಾನೆಂದು ಹೆದರಿಸಿದೇ

ನೀನೆಂಬುದ ತೋರಿಸುವಾ

ನಿನ್ನ ಕರುಣೆ ಪಡೆಯದೇ ||೩||

ಗುರುಪಾದದ ಅಗ್ನಿ ಎಂದು

ನನ್ನತನವ ದಹಿಸುವುದೋ

ಶಾಂತ ಭಾವ ನೀಡುತಾ

ಮನ ಭಾರವ ಇಳಿಸುವುದೋ ||೪||