ಗುರುನಾಥ ಗಾನಾಮೃತ 

ಬಹು ಪುಣ್ಯಫಲದಿಂದಾ ಗುರುವರನ ನಾ ಕಂಡೇ

ರಚನೆ: ಅಂಬಾಸುತ 

ಬಹು ಪುಣ್ಯಫಲದಿಂದಾ ಗುರುವರನ ನಾ ಕಂಡೇ

ಅವನಿತ್ತ ಕರುಣೆಯೆಂಬಾ ಅಮೃತವಾ ನಾನುಂಡೇ ||ಪ||

ಗತಿಸಿಹೋದವು ಪಾಪವೆಲ್ಲವೂ ಸ್ತುತಿಸಲೆನ್ನ ಗುರುವರನಾ

ಕ್ಷಿತಿಯೊಳಾರನು ನಾ ಕಣೆ ಇವನಂಥಾ ಮಹಿಮನಾ ||೧||

ಎಂಥಾ ಮೂರುತಿಯೋ ಇವನದೆಂತ ಕೀರುತಿಯೋ

ಕಂಡೊಡನೆ ಕಣ್ಣಲ್ಲೇ ಆರತಿಯ ಮಾಡುವಂತಿಹಾ ||೨||

ಇವನ ಸಾನಿಧ್ಯದೊಳೇ ಕೈಲಾಸ ವೈಕುಂಠಾ

ನಕ್ಕರಿವ ರಮಾಕಾಂತ ಮುನಿದರೆ ಮಹಾರುದ್ರಾ ||೩||

ಭಾಗ್ಯ ಭೋಗವ ಬೇಡೆನು ಮೋಕ್ಷಪದವಿಯ ನಾ ಬೇಡೆನು

ಮತ್ತೆ  ಮತ್ತೆ ಹುಟ್ಟಿ ಬಂದು ಇವನ ಸಾನಿಧ್ಯವನೆ ಬೇಡುವೇ ||೪||

ಸಖರಾಯಪಟ್ಟಣದ ಅವಧೂತನಿವನಂತೆ

ಅಂಬಾಸುತನಾ ಪದ ಪದದೊಳು ಇವನ ಪಾದವಂತೇ ||೫||