ಗುರುನಾಥ ಗಾನಾಮೃತ 

ಸುಲಭವಲ್ಲವೀ ಗುರುಸೇವೆ ಮನುಜರಿಗೆಲ್ಲಾ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಸುಲಭವಲ್ಲವೀ ಗುರುಸೇವೆ ಮನುಜರಿಗೆಲ್ಲಾ

ಸುಲಭವಲ್ಲವೀ ಗುರುಸೇವೆ ಮರುಳರಿಗೆಲ್ಲಾ || 

ಇಹಕು ಗುರುವೇ ಗತಿಯು

ಪರಕೂ ಅವನೇ ಮತಿಯು |

ಗುರುಪಾದವಲ್ಲದೆ ಬೇರೇನು

ಅರಿತು ಸಾಗಿದರೆ ಹಾಲ್ಜೇನು || ೧ ||

ಕಣ್ಣು ಮುಚ್ಚಿದರೆ ಗುರುವಿನ ಬಿಂಬ  

ಕಣ್ಣ ತೆರೆದರೆ ಅವನ ಪ್ರತಿಬಿಂಬ |

ಹೋದೆಲ್ಲಲ್ಲಾ ‌ಬರುವ ಜೊತೆಯಲ್ಲಿ

ಮಾತೆಲ್ಲಲ್ಲಾ ನುಡಿವ ಹರ್ಷದಲ್ಲಿ || ೨ ||

ನೀನೇ ದೈವ ಬದುಕಿನಲಿ

ನೀನೇ ಸಕಲ ಜನ್ಮದಲಿ ।

ಉಸಿರಾಡುವೆ ನಿನ್ನ ನಾಮದಲ್ಲಿ

ಬೆಳಕ ಪಡೆವೆ ನಿನ್ನ ನಗೆಯಲ್ಲಿ ।। ೩ ।।