ಗುರುನಾಥ ಗಾನಾಮೃತ 

ಗುರುನಾಥರ ದರ್ಶನಕೆಂದು ಬಂದೆ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಗುರುನಾಥರ ದರ್ಶನಕೆಂದು ಬಂದೆ

ಆ ತೇಜೋಮೂರ್ತಿಯ ನೋಡುತ ನಿಂದೆ |

ಭಕ್ತಿಕುಸುಮಗಳ ಅರ್ಪಿಸಲು ತಂದೆ 

ಸಂತೋಷದಿ ಮಾತುಬಾರದೆ ಮೂಕಳಾದೆ ||

ನನ್ನ ಮನದಾಳದ ದನಿಯೇ ನೀನು

ನನ್ನ ಚಿತ್ತದೊಳಗಿನ ಧಣಿಯೇ ನೀನು |

ನನ್ನ ಹೃದಯದೊಳಗಿನ ಮೂರ್ತಿಯೇ ನೀನು 

ನನ್ನ ಅಂತರಂಗದ ಮೌನವೇ ನೀನು || ೧ ||

ಸಮವುಂಟೇ ಇವರ ಹೋಲಿಕೆಗೆ

ಸಾದೃಶ್ಯವುಂಟೇ ಇವರ ಅನುಗ್ರಹಕೆ |

ಶರಣಾಗತರಿಗೆ ಅಭಯನೀಡುವ ಪರಿಗೆ

ಸಾಧಕರಿಗೆ ದಾರಿತೋರುವ ರೀತಿಗೆ || ೨ ||

ಮಾಡುವ  ಕರ್ಮಗಳು ನಿನ್ನುಪಾಸನಾ

ಫಲಗಳೆಲ್ಲವು ನಿನಗೇ ಸಮರ್ಪಣಾ |

ನಿನ್ನ ಪಾದಸೇವಕನೆಂಬ ಭಾವನೆ

ಉಸಿರೊಳು ಬೆರೆತಿರಲೆಂದೇ  ಯಾಚನೆ || ೩ ||