ಗುರುನಾಥ ಗಾನಾಮೃತ 

ಅರಿ ಅರಿ ಅರಿಯೋ ಗುರು ಹರಹರಿಯೊ

ರಚನೆ: ಅಂಬಾಸುತ 

ಅರಿ ಅರಿ ಅರಿಯೋ ಗುರು ಹರಹರಿಯೊ

ಅವ ನಿಜ‌ ಅಜನೋ ಆ ಜನ್ಮದ ಪುಣ್ಯದ ಫಲನೊ ||ಪ||

ಸುಲಭಕೆ ಸಿಗನೋ ಸಾಧನೆಯೊಳಗಿಹನೊ

ಬಾಧೆಯ ಕಳೆವನೋ ಬೋಧರೂಪನೊ ||೧||

ದೇಹರೂಪನಲ್ಲನೋ ಗುರು ತತ್ವಪೂರ್ಣನಾಗಿಹನೊ

ತನ್ಮಯತೆಯ ಬೇಡಿಹನೋ ಅಹಂಭಾವ ಕಳೆಯುವನೊ ||೨||

ಒಡಲಾಳದ ಉಸಿರಂತೆ ಅವನಿಹನೊ

ಒಲವಿನ ಘನ ಮೂರ್ತಿಯಾಗಿ ಕಂಗೊಳಿಸಿಹನೊ ||೩||

ನಗಿಸುವನು ಅಳಿಸುವನು ಎಮ್ಮ ಪಕ್ವಗೊಳಿಸುವನು

ಪಾಪದ ಹೊರೆ ಇಳಿಸುವನು ಪುಣ್ಯ ಹೊರಿಸುವನು ||೪||

ಹೊರಗಣ್ಣಿಗೆ ಕಾಣನೋ ಒಳಗರಳಿದ ಮಲ್ಲಿಗೆ ಇವನೊ

ಸದಾ ಘಂ ಎನ್ನುವನೋ ಅನುಭವ ವೇದ್ಯನೋ ||೫||

ಸಖರಾಯಪುರದೊಳಗೆ ನಿಜಸುಖ ನೀಡೆ ನೆಲಸಿಹನೊ

ಅಂಬಾಸುತನ ಮನದಿ ಪದವಾಗಿ ನಲಿದಿಹನೊ ||೬||