ಗುರುನಾಥ ಗಾನಾಮೃತ 

ಬರೆಯಲಾರೆ ಪದಗಳಲ್ಲಿ ನುಡಿಯಲಾರೆ ಮಾತಿನಲ್ಲಿ

ರಚನೆ: ಆನಂದರಾಮ್, ಶೃಂಗೇರಿ  

ಬರೆಯಲಾರೆ ಪದಗಳಲ್ಲಿ ನುಡಿಯಲಾರೆ ಮಾತಿನಲ್ಲಿ

ಮೌನದಲ್ಲಿ ಲೀನನಾಗಿ ಗುರುವೇ ನಿನ್ನ ಧ್ಯಾನದಲ್ಲಿ ಮುಳುಗಿ ಹೋದೆನೋ|

ಬರೆದು ಬರೆದು ಸೋತೆನೋ ಮನಸು ಭಾರವಾಗಿ  ನೊಂದೆನೋ

ನಿನ್ನ ಕರುಣೆ ಪಡೆಯಲಾರದೆ ನೊಂದು ಗುರುವೇ ನಿನ್ನ ಕೂಗಿ ಕರೆದೆನೋ |

ಹುಚ್ಚು ಮನವ  ನಿಲ್ಲಿಸದೆ ಎಲ್ಲೆ ಮೀರಿ ಓಡುತಿದೆ ಕರ್ಮ ಮಾಡುತಿದೆ

ಸುಳ್ಳ ನುಡಿಯ ನುಡಿಸಿ ಮನವು ಬದುಕ ಮಲಿನ ಮಾಡಿದೆ |

ನುಡಿವಮಾತು ಬೇರೆ ನಡೆವ ಕರ್ಮ ಬೇರೆ ಬದುಕು ಮಿಥ್ಯೆಯೆನಿಸಿದೆ

ತೋರಿಕೆಯೇ ಮೆರೆಯುತಿದೆ ಬಕುತಿ ಮರೆಯಾಗಿ 

ಅಹಂ ಎದ್ದು ನಿಂತಿದೆ|

ಗುರುವೇ ನಿನ್ನ ನಂಬಿ ನಡೆದರೆ ಬದುಕ ದಾರಿ ಸುಗಮವೋ

ಗುರುವೇ ಎಲ್ಲಾ ನೀನೆ ಎನ್ನದೇನು ಇಲ್ಲವೆಂದೆ ಬದುಕು ಹಸನವೋ|

ನಿನ್ನ ಕರುಣೆಗಾಗಿ ಹಂಬಲಿಸಿ ನಿತ್ಯ ನಿನ್ನ ನೆನೆವೆನೋ ಗುರುವೇ

ಮನವ ಶುದ್ದಗೊಳಿಸಿ ತನುವು ನಿನ್ನ ಸೇವೆ ನಡೆಸಿ ಧನ್ಯವಾಗಲಿ|