ಗುರುನಾಥ ಗಾನಾಮೃತ 

ಕೃಪೆತೋರೋ ಗುರೋ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಕೃಪೆತೋರೋ ಗುರೋ

ಬೆಳಕ ನೀಡೋ ಗುರೋ

ಕಳೆವುದು ಮೋಹಮಾಯ |

ಕೈಯ ನೀಡೋ ಗುರೋ

ದಾರಿತೋರೋ ಗುರೋ

ಮರೆವುದು ಜಗದ ಮಾಯ ||

ಭವದಾ ಈ ಬಂಧನದಲ್ಲಿ

ಸುಖ ದುಃಖಗಳ ಸುಳಿಯಲ್ಲಿ

ಒಮ್ಮೆ ದೃಷ್ಟಿಬೀರು ಗುರುವೇ |

ಅಜ್ಞಾನದಾ ಕತ್ತಲೆಯಲ್ಲಿ

ದಾಸ್ಯದಾ ಸುಳಿಯಲ್ಲಿ

ಸತ್ಯದರ್ಶನವಾ ಮಾಡಿಸು ಗುರುವೇ || ೧ ||

ಬಂದು ಹೋಗುವ ಬಂಧುಜನರಲ್ಲಿ

ಚಿತ್ತವ ಕೆಡಿಸೋ ಚಂಚಲತೆಯಲ್ಲಿ 

ಆತ್ಮಬಂಧುವಾಗು ನೀ ಗುರುವೇ |

ಬೋಧವ ಮಾಡುವ ಬೋಧಕನಾಗಿ

ಸನ್ಮತಿಯ ತೋರುವಾ ಸಂತನಾಗಿ

ಮಾರ್ಗಬಂಧುವಾಗು ನೀ ಗುರುವೇ || ೨ ||