ಗುರುನಾಥ ಗಾನಾಮೃತ 

ನೀ ರಥವನೇರುವುದಾ ಕಾಂಬುವ ಬಯಕೆ

ರಚನೆ: ಅಂಬಾಸುತ 

ನೀ ರಥವನೇರುವುದಾ ಕಾಂಬುವ ಬಯಕೆ

ಸದ್ಗುರುನಾಥ ನೀ ಸರ್ವಾಲಂಕಾರಯುಕ್ತನಾಗಿ ||ಪ||

ಕೋಟಿ ಕಣ್ಗಳು ಕಾಣಬಯಸಿಹವೊ

ನಿನ್ನ ರಥಾರೋಹಣವನ್ನು ಪತಿತಪಾವನನೇ

ಪರಿಪರಿಯ ಪುಷ್ಪಗಳಿಂದಲಂಕೃತಗೊಂಡು

ಛತ್ರಚಾಮರ ರಾಜಲಾಂಛನ ಮೊದಲಾಗಿ ||೧||

ಸುಸ್ವರದ ವೇದಮಂತ್ರಗಳೊಡನೇ

ಪಂಚವಾದ್ಯಗಳಾ ಸುನಾದದ ನಡುವೇ

ಭಕುತರ ಭಾವಿಕ ಭಜನೆಯಿಂದೊಡಗೂಡಿ

ಹೊನ್ನಿನ ಹಿರಿದಾದ ತೇರೊಳು ಗುರುವೇ ||೨||

ಈ ಭಾವಕೆ ಅಸ್ತು ಎನ್ನುತ ಬೇಗ

ಮನದ ಸಿರಿವಂತಿಕೆಯ ಮನ್ನಿಸಿ ಈಗ

ಬಯಕೆ ಹುಟ್ಟಿಸಿದವನೆ ಬಳಲಿಸದೆ ರಾಗ

ಹಾಕಿದ ಅಂಬಾಸುತನಾ ಪದ ಭಿನ್ನಹವಾಗಿ ||೩||