ಗುರುನಾಥ ಗಾನಾಮೃತ 

ಎಲ್ಲರಂತಲ್ಲಾ ನನ್ನ ಗುರುದೇವ ಬಲು ಕರುಣಾಳುವೋ

ರಚನೆ: ಆನಂದರಾಮ್, ಶೃಂಗೇರಿ  

ಎಲ್ಲರಂತಲ್ಲಾ ನನ್ನ ಗುರುದೇವ ಬಲು ಕರುಣಾಳುವೋ

ಬಲು ಸಜ್ಜನನೋ ಬಲು ಸರಳನೋ ನಮ್ಮ ಗುರುನಾಥನೋ|

ದೇಹಿ ಎಂದವರ ಎಂದೂ ಕೈ ಬಿಡನೊ ನಮ್ಮ ಗುರುವರನು

ಪರಿಹರಿಸಿ ನೋವುಗಳ ಕ್ಷಣಮಾತ್ರದಿ ಗುರುನಾಥನು|

ಬುದ್ದಿ ಹೇಳುತ ಶುದ್ದ ಮನಸ ಕೊಂಡಾಡುತಾ  ಹರಸುವನು

ಅನ್ಯರ ಗೊಡವೆ ಭೇಡೆನ್ನುತ ಸತ್ಯವರಿತು ಬಾಳೆಂದ ಗುರುನಾಥನು|

ತಂದೆ ತಾಯಿಯ ಗೌರವದಿ ಬಾಳಿಸೆಂದನೋ ಗುರುವು

ಮನ  ನೋಯಿಸದೆ ಒಡ ಹುಟ್ಟಿದವರೊಡಗೂಡಿ ಬಾಳೆಂದರು|

ಬದುಕಲಿ ಮಾನ ಅಪಮಾನ ಎರಡನು ಸಮಬಾವದಿ ಕಾಣೆಂದರು 

ಎಲ್ಲವನು ಅವಗರ್ಪಿಸಿ ಎನದೇನು ಇಲ್ಲವೆಂದೆನುತ ಬಾಳೆಂದರೋ|

ನಡೆದಾಡಿದ ದೇವ ಇವನು ಎಲ್ಲರೊಳ ಒಬ್ಬನಾಗಿ ದಾರಿ ತೋರಿದನೋ

ನಂಬಿ ಬರುವ ಬಕುತರ ನೋವ ತಾ ನುಂಗಿ ಮಹಾದೇವನಾದನೋ|