ಗುರುನಾಥ ಗಾನಾಮೃತ 

ಸಲಹಬೇಕೈ ಸದ್ಗುರುರಾಯ

ರಚನೆ: ಅಂಬಾಸುತ 

ಸಲಹಬೇಕೈ ಸದ್ಗುರುರಾಯ

ಬಲು ಆಯಾಸ ಈ ಭವ ಪ್ರಯಾಸವಾಗಿಹುದು ||ಪ||

ಪರಿಪರಿಯ ಮೋಹ ದಾಹದ ಬಾಧೆಗಳು

ಮರೆಸುತಿವೆ ಸಜ್ಜನಿಕೆಯಾ

ಮೆರೆಯುತ್ತಿಹೇ ನಾನೆಂಬಾ ಮಕುಟ ಹೊತ್ತು

ನಾಳೆ ಮರೆಯಾಗೊ ಈ ತನುವ ನೆಚ್ಚಿದ್ದು ||೧||

ಕಂಡು ಕಾಣದಂತಾಗೊ ಸುಖದ ಅಮಲು

ಕಂಗೆಡಿಸಿದೆ ಈ ಮನವಾ

ಕುಂದಿರೊ ಮಂದಭಾಗ್ಯನು ನಾನು ಅರಿವಿನ

ಕದ ತಟ್ಟದೇ ಕಾರಿರುಳಾ ಹೊಕ್ಕಿಹೆನಲ್ಲಾ ||೨||

ನಿಜವಾ ನಿರಾಕರಿಸಿ ಮದಗಜನಂತರಸಿ

ಸೋಜಿಗವೆಲ್ಲವ ಅಳಿಸಿದೆನೊ

ರಾಜೀಯ ಮಾತಿಲ್ಲ ರಾಜೀವಲೋಚನನಿಲ್ಲ

ಎನ್ನುತ್ತ ರೋಗವ ನಾನೇ ಕರೆದೇನಲ್ಲೋ ||೩||

ಗುರಿ ಇರದೆ ಗುರು ನೆನೆಯದೇ ಗತಿಮತಿ ತಿಳಿಯದೆ

ಗುಮ್ಮನಾನಾದೆನೋ ಅಸ್ಥಿತ್ವವಿರದ

ಅಂಬಾಸುತನ ಈ ಪದಕೇ ಈಡಾದೆನೊ

ಲೋಕಾದೊಳು ನರಕ ನಾ ಕಂಡು ಹೋದೆನೋ ||೪||